نرخی نەوت لە 300 هەزارەوە دابەزی بۆ 230 هەزار دینار

پشتیوان كەریم – زاری كرمانجی :

نەوت فرۆشێكی سەنتەری قەزای ناوەندی سۆران، لە بارەی دابەزینی نرخی نەوتی سپی بۆ زاری كرمانجی دەڵێت:” ئەمڕۆ پێنجشەممە، نرخی نەوتی سپی لە بازاڕەكانی نەوت فرۆشاندا ڕووی لە دابەزین كردووە.”
مەغدید ئۆمەراوەی نەوت فرۆش، ئەوەشی خستە ڕوو:” لەئێستادا نرخی یەك بەرمیل نەوتی بەسڕە بە 230 هەزار و یەك بەرمیل نەوتی مووسڵ یش بە 220 هەزار دینار و نرخی یەك لیتری نەوتیش بە 1050- 1100 دینار لە بازاڕەكانی ئیدارەی سۆران دەفرۆشرێت.”
مەغدید ئۆمەراوەی باس لە هۆكارەكانی دابەزینی نرخی نەوت دەكات و دەڵێ:” هۆكاری خێرا دابەزینی نرخی نەوت لە بازاڕدا بۆ ئەوە دەگەڕێتەوە كە حكومەتی هەرێمی كوردستان كار ئاسانی زۆری كردووە و نەوتێكی زۆریش بۆ هەرێمی كوردستان هاتووە لە عێراق و پێشبینی دەكرێت نرخەكەی زیاتر ڕوو لە دابەزین بكات.”