زاری كرمانجی :
سیراج بارزانی سەرۆكی ئەنجوومەنی راژەی حكومەتی هەرێمی كوردستان لە لێداونێكی رۆژنامەوانیدا رایگەیاند :” لە سەرەتای هێنانەكایەی ئەنجوومەنی راژە، فشارێكی زۆرمان لەبارەی دووبارە رێكخستنەوەی میلاكات و پێداچوونەوە بە هەیكەلەی وەزارەتەكان، لەسەرە، هەر لەبەر ئەوەش سەرەتای كارەكانمان رێكخستنەوەی میلاكاتی حكومەتە، كە لە كارنامەی حكومەتی هەرێمی كوردستان ئاماژەی بۆ كراوە، هەروەها بڕیاردراوە پەیكەری حكومەت بچووك بكرێتەوە.”
سیراج بارزانی ئاشكرای دەكات كە لە كوردستان 28 هەزار فەرمانبەری گرێبەست و 32 هەزار مامۆستای وانەبێژیان هەیە، وێڕای ئەوەش 365 هەزار فەرمانبەری هەمیشەیی لە كوردستان هەن، كە نیوەی فەرمانبەری هەمیشەیی لە وەزارەتی پەروەردەن.
سەرۆكی ئەنجوومەنی راژەی حكومەتی هەرێمی كوردستان، لەبارەی فەرمانبەرانی گرێبەست و مامۆستایانی وانەبێژ، گووتی:” لە بەرنامەماندایە فەرمانبەرانی گرێبەست و مامۆستایانی وانەبێژ بكرێنە هەمیشەیی، جیا لەوەش فەرمانبەری دیكەش وەك یەك پاكێج لە پلاندایە دابمەزرێن، ئەمە لە رەشنووسی پڕۆژە یاسای بوودجەی ساڵی 2023 پێوەرەكانی بۆ دەستنیشان كراوە.”
