رێبوار حەمەلاو شوانی
مێژوویی كوردفرۆشی و خاكفرۆشی، كارێكی شۆك هێنەری یەكێتیەكەی بافڵ تاڵەبانی نییە، بەڵكو وەك میراتێكی قێزەوەن و پێشەیەك و پەلەیەكی ڕەش بە ناوچاوانی خیانەتكارانەوەیە و هەرگیز پاك نابێتەوە ، بەهەڵدانەوەی لاپەرەكانی دوێنی ئەگەر وەك ڤایرۆسێك لەبەردەم بزاڤ و كوردایەتی گەلی كورد خزمەتی داگیركەر و دوژمنانی كوردستانیان دەكرد ، ئەوەتا ئەمڕۆ نەوە و فەریكە جاشەكان درێژەپێدەری هەمان ڕێچكه و زیانگەیاندن و خۆفرۆشی و هەڵگری خەنجەری ژەهراویی دوژمنانن و داگیركەران بۆ برینداركردنی كورد و كوردستان .
مێژوو لە بیری ناكات كاتێك لە رۆژی 16ی ئۆكتۆبەری 2017 چۆن بە خیانەت كەركووك و نیوەی خاكی كوردستانیان رادەستی داگیركەران و دوژمنانی كوردستان كرد ، ئینجا دوای ماوەیەك جارێكی تر لە پێناو پۆست و بەڵێنی نەیارانی كورد ، لە بەرامبەر پۆستی پارێزگاری كەركووك ، 120 پۆستیان دایە عەرەب و توركمان ، بۆیە ئەوانە خاكفرۆشی و كوردفرۆشی و خیانەت وەك ژێنێتیك لە نێو خوێنیاندایە
مێژوو سەلمێنەرە گەلی كورد و بزاڤە رزگاریخوازەكەی لە پێناو بست بە بستی خاكی كوردستان و بەتایبەتی سازش نەكردن لە سەر كەركووك دەریاییەك خوێنی ڕشتووە ، بۆیە پۆستی كارتۆنی و كاتی و چەند دینار وتمەنێكی بێ نرخ ، بە خەونیش بەرامبەر بە پێگە و سەنگی كەركووك بەراوەر ناكرێت . هەموو ئەو ڕێككەوتن و خیانەتە قێزەوەنەی بافڵ تاڵەبانی و نەیارانی كوردستان هەر لە سووننەی فاشیزمی و كلدانی مورتەزەقە و شیعی فاشیزمی وەلائیی بەرامبەر بە كەركووك و هەموو كوردستان تەنیا بۆ لاوازكردنی پێگەی كورد و دروستكردنی ناكۆكیی و هەڵەیەكی مێژووییە وەك خیانەتی 16ی ئۆكتۆبەر ، جگە لەوەی دەسەڵاتدارانی عێراق لە جیاتی جێبەجێكردنی دەستوور كار بۆ سیاسەتی زۆرینە و تاكڕەوانە و دیكتاتۆرانە و سەر لە نوێ پیلانی دەركردن و ڕاگواستنی كورد و ڕێگریكردن دەكەن بۆ ئاساییكردنەوەی دۆخی ئەو ناوچانە بۆ گەڕانەوەی بۆ باوەشی كوردستان و ئەوەش بەزاندنی هێڵی سووری هەموو كوردێكی بەشەڕەفە
لە رابردوو و ئێستاشدا ، لەگەڵ ئەوەی نەیاران و دوژمنانی كوردستان هەوڵی زۆریان داوە كەركووك لە كوردستان داببڕن ، بەڵام لەبیریان چووە خاك و ئاو و خۆشەویشتی وكوردستانبیونی كەركووك ئاوێتەیە لە نێو ڕوح و خوێنی كورد بۆیە ئەگەر دوێنی كورد ڕووبەڕووی دڕندەترین ڕژێمێكی دڕندەی بەعس بووە كە خاوەن چەكی كۆمەڵكوژ و وێرانكەر بوو ، بەڵام نەیانتوانی كوردوكەركووك لەیەكتر جیا بكەنەوە و كۆڵی نەدا ، لە پێناو ئازادی و رزگاری و خاكی پیرۆزی كوردستان وكەركووك هەزاران ڕۆڵەی ئەم نیشتیمانە گیانی فیداكرد ، بۆیە دەبێ خیانەت وخاكفرۆشان بزانن ، كەركووك خاوەنی خۆی هەیە و خاكی كوردستان بۆ فرۆشتن نییە و ئەمرۆ كوردستان لە هەموو كاتێكی دیكە هوشیارتر بەئاگاتر و ناچێتە ژێر باری فێڵبازی و چەواشەكاری كۆمەڵێك تاڵانچی و بەكرێگیراو كە جگە لەبەرژوەندی حزبی و نازانن سەنگ و بایەخی خاك و نەتەوە چییە
ئەوەی جێگەی هەڵوەستەكردنە ، یەكێتیەكەی بافڵ تاڵەبانی هەر جارەوە لە پێناو بەرژوەندی كەسی و حزبی یان و پۆست و پارە و داهاتەوە ئامادە بووە خیانەت لە بەرژوەندییە باڵاكانی نەتەوەیی و نیشتیمانی كوردستان بكات، بە بێ ئەوەی بزانێت كەركووك كوردستان و چ بایەخێكی مێژوویی هەیە لە ڕووی شوناسی نەتەوەیی و چونكە كەركووك و هەموو بستێكی ئەم نیشتیمانە ئەمانەتێكی مێژووییە و بۆ فرۆشتن نییە
ئەم كارە قێزەوەن و خیانەتكارانە و سازشاكارانەیە ، هەنگاوێكی ئامانجدارە بۆ ئەوەی پیلانی جێبەجێ نەكردنی دەستوور و بەتایبەتی ماددەی 140 پاشگوێ بخرێت ، رۆژ بەرۆژ پرسی كوردستانیبوونی كەركووك پاشگوێ و بەخەیاڵی خاویان كورد بێ ئومێد بكەن لە گەڕانەوەی بۆ باوەشی كوردستان ، لەوەش ناخۆشتر ئەوەیە لایەنێكی كوردی بەشداری ئەو پیلانێگرییە لەگەڵ فاشیزمی عەرەبی و دەستی دەرەكی تەنیا بۆ بەرژوەندی كەسی و حزبیان
بەدڵنییاییەوە دەڵێم ، ئەو پێشهاتە مەترسیدارەی ئێستا ، تەنیا ڕێككەوتنێكی ئاسایی سیاسی نییە ، بەڵكو پیلانگێرییەكی پێش ئامادەكراوە بە چاوساغی و ڕەزامەندی بافڵ تاڵەبانی بۆ ئەوەی جارێكی تر و خیانەتێكی دیكە هاوشێوەی 16 ئۆكتۆبەری 2017 بە ناوی گۆڕینی نۆڕەیی پۆستی پارێزگار ، بەڵام رادەستكردنێكی لە سەر خۆی كەركووك بە دوژمنانی كەركووك وكوردستان بكرێت ،واتە ئاماژەیە بە هەنگاویی سڕینەوەی سوناسی ناسنامەی كوردستانیبوونی كەركووك ، بۆیە هەر جۆرە بێ هەڵوێستی هێزولایەنە كوردستانییەكان بەرامبەر ئەو خیانەتە مێژووییە ، ڕەوایدان و بێدەنگییە بەرامبەر خیانەتكاران و كەركووك ، چونكە ناكرێت چیتر لە ژێر هیچ پاساوێكدا بازرگانی بە خاك و شكۆی ئەم گەل و نیشتمانە بكرێت ، چونكە ئەو جۆرە سازشكردن وخیانەتكردنە بۆ نەیارانی كوردستان و فاشیزمەكان لە عێراق ، كارێكی مەترسیدار و بەئامانجگرتنی شكاندنی ئیرادەی گەلی كورد و كۆتایی هێنانە بە دەستوور و بنەماكانی فیدراڵی و هاوبەشی وهاوسەنگی و سازان و چونكە خیانەتكاران و خاكفرۆشان بەناوی سیاسەت و بەرژوەندی حزبی و كەسیەوە هەموو سنوورە ئەخلاقیەكان نەهێشتۆتەوە
ئەو خیانەتە مێژووییەی خاكفرۆشان ئاماژەیە بەو راستییەی كە ، خۆفرۆشان هیچ داهاتووییەكیان نەماوە ، چونكە خاوەن مێژووییەكی پڕ لە ڕیسوایی و نەفرەت گەل و نەتەوەن و هەڵگری میراتێكی پڕ قێزەوەنی و ریسوایین لە نێو خیانەتكارانی پێش خۆیان ، چونكە ئەوان لە جیاتی ژیانی شكۆمەندی و سەربەزی ، ئەوا ژیاننی نەنگی سەرشۆڕی و ترسنۆكی و پاشكۆیەتی و ناپاكی لە خاك و نەتەوەكەیان هەڵبژارد، بۆیە چارەنووسییان چوونە نێو زبڵدانی مێژووە و بەر نەفرەتی گەل و نەتەوەكەیان دەكەون
ئەوانەی خاك بۆ كورسییەكی لەرزۆك هەراج دەكەن، نەك تەنیا ئێستایان، بەڵكو داهاتووشیان دەدۆڕێنن؛ لە مێژوو و ویژدانی زیندووی نەتەوەییدا، جگە لە نەفرەت، هیچ میراتێكی تریان بۆ جێنامێنێت. ناویان لە لیستی ڕەتكراوان و خیانەتكاراندا تۆمار دەكرێت و بە شەرمەزارییەكی هەمیشەیی دەناسێنرێن، چونكە خوێنی پیرۆزی شەهیدان و جەرگەی نیشتمانیان كردووەتە كاڵای قومارێكی دۆڕاوی سیاسی.بۆیە خیانەت و خاكفرۆشی لە ناخی بەكرێگیراواندا بێ كۆتاییە تا بەسزای گەل ونیشتیمان دەگەن .
