سەردار قازی ـ رواندز
دانیشتوانی گوندەكانی دۆڵی ئاكۆیان چەندین ساڵە چاوەڕی گەیاندنی تۆڕی ئاو دەكەن بۆ ناوچەكەیان، بەڵام هەروەكو قایمقامی قەزای رواندز بۆ زاری كرمانجی باسی دەكات لە لایەن ئەنجوومەنی وەزیران بڕیاری جێبەجێكردنی دراوە، بەڵام تا ئێستا هیچ هەنگاوێكی كردەیی بۆ نەنراوە.
ئەحمەد قادر قایمقامی قەزای رواندز لەمبارەیەوە وتى :”تا ئێستا هەنگاوی كردەیی بۆ جێبەجێكردنی پڕۆژەكە نەنراوە”،
ئەوەش دەڵێ:”ئەنجومەنی وەزیرانی هەرێمی كوردستان، بڕیاری لەبارەی راكێشانی ئاو بۆ گوندی ئاكۆیان و گوندەكانی تر داوە، بەڵام تا ئێستا هەنگاوی كرداری بۆ ئەو پڕۆژەیە نەنراوە”،
هەروەكو دانیشتووانی بەشێك لە گوندەكانی ناوچەكە ئاماژەی بۆ دەكەن، رۆژانە لە رێگەی تانكەرەوە ئاویان بۆ دابین دەكرێت و بە راكێشانی ئەو تۆڕە خەرجییەكی زۆر لە سەر حكومەت نامێنێ،
ئەحمەد قادر، قائمقامی رواندز بە زاری كرمانجی گوت:”راكێشانی تۆڕی ئاو بۆ دۆڵی ئاكۆیان، لە پڕۆژەی ئاوی بێخاڵ دەبێت و رێكارەكانمان لە ئەنجومەنی وەزیران تەواوكردووە و لایەنی جێبەجێكار بەڕێوەبەرایەتی ئاوی دەروبەر دەبێت، بەڵام تا ئێستا وادەی دەستپێكردنی پڕۆژەكە دیار نییە”.
