جەبار عەبدولڵا مهاجیر
لەگەڵ دەست بەكاربوونی محەمەد سودانی، وەك سەرۆك وەزیرانی عێراقی فیدراڵ، هەوڵێك هاتە ئاراوە بۆ چارەسەری كێشەكانی هەرێمی كوردستان و عێراق، ئەم هەوڵە سەرەتا لەلاین سودانی سەرچاوەی گرت و سەرۆكی حكومەتی هەرێمی كوردستانیش پاڵپشتی و ئامادەیی خۆی دەربڕی بۆ چارەسەركردنی ئەو كێشانەی كە لەنێوانیاندا هەیە، گرنگترینیشیان بودجە و موچەی فەرمانبەران و ناوچە دابڕاوەكان و پرسی سوپاو پێشمەرگە، ئەمانە و دەیان كێشەی تر بونەتە بەربەست لەبەردەم حكوومەتی فیدراڵ و هەرێم، بۆ چارسەر كردنی ئەو كێشانە پێویستە هەنگاوی كرداری بۆ بهاوێژرێت، تا دەتوانن ڕێگا چارەیەك بدۆزنەوە لە بەرژەوندی هەردوو لادابێت.
حكوومەتی عێراق پێویستە شەفافتر لە حكوومەتی هەرێم رۆڵ بگێڕێت، چونكە هەرێمی كوردستان بەشێكی دانەبڕاوە لە عێراق تەنها وەك ویلایەتێكی سەربەخۆ خۆڕێبەری دەكات، ئەگەر بەو مەرجانەی كە هەردوولا بەخاڵ ئامادەیان كردووە ئەو هیچ كات ئەو كێشانە چارەسەر نابن و بگرە زیاتریش دەبن لەداهاتوو، ئەوەی كورد دەیەوێت لەعێراق وەربگرێتەوە مافی هاووڵاتیانە بەڵام عێراق بەو مەرجە ڕازی بووە كە حكوومەتی هەرێم دەسبەرداری پرۆژەی فرۆشتنی نەوت ببێت، لە رێگای بۆڕی سەربەخۆی بۆ بەندەری جیهانی لەلایەكی تر گەڕاندنەوەی ئەو پارانەی كە ساڵانێكە لە فرۆشتنی نەوتی دەستی دەكەوێت، قورسی مەرجەكان دەلالەتە لە بەردەوامی كێشەكان لەنێوان هەردوو حكومەتی عێراق و كوردستان، هیچ ئاسۆیەكی گەش نابینرێت لەنیوانیاندا.
بەمەش حكوومەتی هەرێمی كوردستان نایەوێت بچێتە ژێرباری حكوومەتی عێراقی، بەڵكوو دەیەوێت خۆی چارەسەری دۆخی نێوخۆی هەرێمی كوردستان بكات، عێراقیش هیچ ئومێدێكی بە حكوومەتی هەرێمی كوردستان نەماوەو نایەوێت دەرگای دانیشتنەكان بە كراوەی بهێلێتەوە، بۆیە هەندێ جار هەردوو لایەن دەیانەوێت بانگەشە بۆ ئەو چارەسەریانە بكەن و رێگای چارەسەریش ناگرنەبەر، بۆ گەلی كورد عەڕەب هیچ جیاوازیێكی نییە ئەو لێكدانەوەیەش هەڵەیەكی گەورەی تێدایە، چونكە هەندێك لەو سەركردانە بەشدارن لە خۆشی و ناخۆشیەكانی كورد، ئەوەی بۆ كورد زەرەرە لە مەلەفی چارەسەركردن ئەوەیە كورد دوور دەكەوێتەوە لە مافی سەربەخۆی و بەدەستهنانی ئەو مافە نەتەوەیە، بۆیە كورد لە ئیستادا تەنها ئەوەی پێویستە نێوماڵی خۆی رێكبخاتەوە و ئەو دووبەرەكیەی هەیە بخاتە دەرەوەی ئەو بازنەیەی كە كورد ساڵانێكە هەوڵی بۆ دەدات و دەیەوێت خۆی بناسێنێت بەجیهان، پێیان بڵێت ئێمە خۆمان دروستكرد، نەك ئێوە بێن خۆتان لەسەرمان فەڕز بكەن بڵێن ئێمە ئازادیمان بۆ ئێوە بونیاتناوە.
