زاری كرمانجی-سۆران:
بەشێك لە دانیشتووانی گەڕەكی جوندیان 2 لە شاری سۆران، داوای چاككردنی شەقام و كۆڵانەكانیان دەكەن، سەرۆكی شارەوانی سۆرانیش دەڵێت، ئەو گەڕەكانەی تاپۆكراون یان بە پێی نەخشە خانووەكانیان درووست كراوە، پڕۆژەیان بۆ ئەنجام دەرێت.
دانیشتووانی گەڕەكی جوندیان 2 بەرامبەر نەخۆشخانەی لە دایكبوون و فێركاری منداڵانی سۆران، لە رێگەی زاری كرمانجی داواكارن لە لایەنە پەیوەندیدارەكانی ئیدارەی سەربەخۆی سۆران و سەرۆكایەتی شارەوانی، هەوڵێكی جددی بدرێت بۆ ئەنجامدانی پڕۆژەی خزمەتگوزاری لە گەڕەكەكەیان و چاككردن و قیڕتاو كردنی شەقام و كۆڵانەكانیان”.
لای خۆیەوە كاوە نەجیم، سەرۆكی شارەوانی قەزای ناوەندی سۆران، بە زاری كرمانجی راگەیاند: ” لە زۆربەی گەڕەك و شەقامەكانی قەزای سۆران، ئەنجامدانی پڕۆژەی خزمەتگوزاری و نۆژەنكردنەوەو قیڕكردنی شەقام و كۆڵانەكان بەردەوامە، سەبارەت بە گەڕەكی جوندیانیش پڕۆژەی قیڕكردن و چاككردنی شەقامەكانیان بۆ جێبەجێ دەكرێت و كاركردن لە هەندێ كۆڵانی ئەم گەڕەكە دەستی پێكردووە”.
ئاشكراشی كرد: ” تەنها ئەو كۆڵانانەی كە بە ناڕێكی خانوویان لەسەر درووست كراوەو زێدەڕۆیان كراوەتە سەر شەقامەكان و خانەووەكان پێچەوانەی نەخشەو تاپۆیان نییە، بەربەستن لەبەردەم ئەوەی كە پڕۆژەیان بۆ ئەنجام بدرێت، لەگەڵ ئەوەشدا لیژنەكانمان بەردەوامن بۆ چارەسەر كردنی ئەو جۆرە كێشەو گرفتانەو پێشكەش كردنی خزمەتگوزاری بە هاووڵاتییان.
