زاری كرمانجی-سۆران:
ئەگەرچی خاوەن پێداویستی تایبەتە بەڵام توانیویەتی رووبەڕووی ژیان ببێتەوەو بە بەهرەو تواناكانی زیاتر لە مرۆڤێكی ئاسایی نیشان بدات.
ئەرسەلان سلێمان ناسراو بە ئەرسەلان ئاڵانی، بەزاری كرمانجی گووت: ” خێزاندارم و خێزان و دوومنداڵم هەیە دانیشتووی سنووری ناحیەی خەلیفان لە ئیدارەی سۆران، زیاتر لە 20 ساڵە روو دەكەمە كۆمەڵەی سۆران بۆ چاودێری كەمئەندامان و لەوێ زۆر سوودم بینیووە، لە رووی راهێنانەكان و بەشداریكردنم لە خول و كارو چالاكییەكان و ئاشنا بوونم بە زمانەكانی دیكە لەگەڵ ئەوەشدا توانیوومە پیشانگای وێنەیی تایبەت بەكاری دەستی خۆم بكەم و تابلۆكانم نمایش بكەم و وەك شێوەكارێك رۆڵی خۆم ببینمەوە”.
ئاماژەی بەوەشكرد: ” لەگەڵ ئەوەی تائێستا چەندین تابلۆی شێوەكاری و كاری دەستی خۆم هەیە هه‌روه‌ها توانیوومە پەرتوكێكی شیعری چاپ و بڵاو بكەمەوە بەناونیشانی (گەڵا وەریووەكان) شیعری جۆراو جۆرم تێدا بڵاوكردونەتەوەو لە نووسینی خۆم بووە”.
ئەوەشی خستەڕوو: ” دەستخۆشانە لە گشت ئەو كەسانە دەكەم كە هاوكارو پاڵپشتم بوونە بۆ پێشوەچوونی بەهرەو تواناكانم، داواكاریشم لە خاوەن پێداویستیە تایبەتەكان هەمیشە باوەڕیان بەخۆیان بێت و رووبەڕووی سەختی ژیان ببنەوە.
