زارى كرمانجي :
دوێنی یەكشەممە 4 / 12 / 2022، لەسەر راسپاردەی قایمقامی قەزای ناوەندی سۆران، بەئامادەبوونی بەرێوەبەرایەتی پەروەردەی سۆران و بەرێوەبەرایەتی گواستنەوەی سۆران و بەرێوەبەرایەتی هاتوچۆی ناوشار و لیژنەی ئابوری سۆران، كۆبونەوەیەك لەگەل قوتابخانە حكومی و ناحكومییەكانی سۆران ئەنجامدرا، سەبارەت بە دیاریكردنی نرخی گواستنەوەی قوتابیان و دیاریكردنی نرخی نوسینگەكانی گواستنەوەی قوتابیان، لەم كۆیونەوەیە بڕیارداوە كەوا هەفتەی داهاتوو نرخی گواستنەوەی قوتابیان بە پێی كیلۆمەتر دیاری دەكرێت و نرخی نوسینگەكانی گواستنەوەی قوتابیانیش دیاری دەكرێن، لە راگەیاندراوەیی كۆبونەوەكە هاتووە:” هەر قوتابخانەیەك یاخود نوسینگەیەك بە پێچەوانەی بریارەكانی كۆبونەوەكە بكات رووبەرووی لێپێچینەوەی توند دەبێتەوە.”
ئەم كۆبونەوەیە دوای گلەیی بەشێك لە باوان و قوتابیان هات لەسەر گرانی نرخی گواستنەوە و خراپی جۆری ئۆتۆمبێلەكانی گواستنەوە .
