رۆژان قیاس_زاری كرمانجی:
ئیڤان جانێ، بەرپرسی سەنتەری رۆشنبیری ئاشوورییەكان لە بەرنامەی هیوا، لە رادیۆی زاری كرمانجی باس لە گرنگی سەنتەری رۆشنبیری ئاشووری و پرسی پێكەو ژیان دەكات.
لە بارەی مێژووی كاركردنیان ئیڤان جانێ، گووتی” سەرەتای كاركردنمان دەگەڕێتەوە بۆ ساڵی 2006 ، ئەو كاتەی لەگەڵ هاوڕێیانمان لە زاری كرمانجی دەستمان دایە كاری راگەیاندن و نووسینەوەو دواتر گۆڤارێكمان دەركرد بە ناوی دیانا بە سێ زمانی كوردی ئاشووری و عەرەبی دەردەچوو، بۆ ئەوەی ئەم گۆڤارە ببێتە ماڵێك بۆ هەموان و ببێتە پەیامی ئێمەی ئاشووری بۆ گەلانی تر”.
لە بارەی ئامانجی سەنتەرەكەیان، ئیڤان دەڵێ:” یەكێك لە ئامانجی سەنتەری رۆشنبیری دیانا، ئاشناكردنی كولتوری ئاشووریەكانە بە تەواوی كۆمەڵگە و هەروەها بەهێزكردنی ئەو پردانەی لە مێژینە هەبوونە، وەكوو ئاشووری رۆڵێكی كارامان هەیە لە دەڤەری سۆران و دەوروبەری”.
ئیڤان جانێ، ئەوەشی خستەڕوو” بابەتی پێكەوە ژیان پەیوەندی بە هەموو تاكەكانەوە هەیە، و پەیوەست نییە بە حكومەت، پێوسیتە ئێمە سەرەتا وەكو نەتەوە جیاوازەكان یەكتر قبوڵ بكەین، بۆ ئەوەی پێكەوە ژیانێكی جوان ساز بكەین، خۆشبەختانە لەم رەوەشەوە بناغەیەكی باشمان هەیە بۆ یەكتر قبوڵ كردن”.
