ئەژین غەفار-زاری کرمانجی
سەرچاوەیەک دەڵێت، میوەی وشککراو ئەو میوەیە کە لەڕێی خۆر یان بە بەکارهێنانی وشککەرەوەی تایبەت زۆربەی ناوەڕۆک و ئاوی ناو میوەکە لادەبات وشک دەکات. جۆرەها جۆری جیاوازی میوەی وشک هەیە، کە هەندێک لە بەربڵاوترینیان مێوژ، خورما، هەڵووژە، هەنجیر و قەیسی.
ماڵپەڕی Hollandbarot لەبارەی میوەی وشککراوە دەڵێت، میوەی وشک دەتوانرێت بەشێک بێت لە خۆراکێکی تەندروست چونکە بە شێوەیەکی گشتی بە ڕیشاڵ، دژە ئۆکسیدەکان و ڤیتامین سی دەوڵەمەندە. لەگەڵ ئەوەشدا، شەکری سروشتی زۆرە، هەم فرەکتۆز و هەم گلوکۆز، بۆیە گرنگە زیادەڕەوی نەکەیت.
ئەو سەرچاوەیە دەڵێت، قەیسی سەرەڕای کەمیی کالۆری، سەرچاوەیەکی باشی دژە ئۆکسیدەکانە، لەوانە بێتا کارۆتین، ڤیتامین A، ڤیتامین E و ڤیتامین C.
قەیسی وشک هەروەها بڕێکی زۆر خۆراکی گرنگ لەخۆدەگرێت وەک فۆسفۆر، کالسیۆم و پۆتاسیۆم. هەروەها قەیسی وشککراوە بڕێکی باش ڕیشاڵیان تێدایە.
