فەرماندەیی ئۆپەراسیۆنە هاوبەشەكان: لە كەركووك بە هۆی بۆردوومانێكەوە، كوژراو و بریندار لە ڕیزەكانی حەشدی شەعبی هەیە

مەهدی محەممەد – زاری كرمانجی :

فەرماندەیی ئۆپەراسیۆنە هاوبەشەكانی عێراق، ئەمڕۆ سێشەممە 10ـى 3ـى 2026 ڕایگەیاند “كۆمەڵێك لە جەنگاوەرمان لە حەشدی شەعبی، بەرەبەیانی ئەمڕۆ گەیشتنە كاروانی شەهیدان و ژمارەیەك لە جەنگاوەرمان بریندار بوون كە بەهۆی ئەم بۆردوومانە ناپاكانەیی كە لە قەزای دبس لە پارێزگای كەركووك كرانە ئامانج.”
لە ڕاگەیەندراوەكەدا هاتووە “بە توندترین شێوە سەركۆنەی ئەم دەستدرێژییە تاوانكارییە دەكەین كە كرایە سەر شەڕكەرە ئازاكان لە كاتێكدا ئەركی نیشتمانی خۆیان جێبەجێ دەكرد”، جەختیشی كردەوە كە “ئەم بەئامانجگرتنە تەنیا دەستدرێژی نییە بۆ سەر خاڵێكی چاودێری یان هێزێك یان بارەگایەكی دیاریكراو، بەڵكوو بەئامانجگرتنێكی سەرجەم عێراقە.”