بەهرە محەمەد
هەرێمی کوردستان و سەرکردایەتی کورد هەمیشە لە گەڵ ئاشتی و پێکەوەژیان و ئارامی دابووە ، چونکە کورد لە هەموو میللەتانی دونیا زیاتر قوربانی شەڕو کوشتار بووە ، بۆیە لە ئێستاشدا هەرێمی کوردستان و سەرکردایەتی کورد ڕۆلێکی زۆر عەقڵانیان بینیوە لە پاراستنی کورد و مامەڵەکردن لەگەڵ ئەم دۆخەی ناوچەکە.
لە ئێستادا شەڕێکی گەورە لە نێوان ئەمەریکاو ئیسرائیل لە بەرەیەک و ئێران لە بەرەیەکی تر بوونی هەیە ، رۆژانە سەدان مووشەک و درۆن لە شەڕەکە دا بەکاردێن و بەردەوامیش هەوڵدەدرێت وڵاتانی تر لە م شەڕە تێوەبگلێنن و ببنە بەشێک لە و شەڕە ، لە ئێستاشدا بەشی زۆری چاوەکان لەسەر کوردە کە بەشداربێت لەو شەڕەدا ، ئەم پرسە بۆتە پرسێکی جیهانی و ڕۆژانە لە کۆبوونەوەکان و میدیاکانەوە باس دەکرێت ، بەڵام ئەوەی لە ئەرزی واقعی دەبینین ، سەرکردایەتی کورد لە هەرێمی کوردستان ئەم بەشداریکردنە ڕەتدەکەنەوە ئامادەنین هەرێمی کوردستان لەم شەڕو ململانێیە بەشدار بێت ، سەرەڕای ئەوەی ڕۆژانە چەندین درۆن و مووشەک ئاراستەی هەرێمی کوردستان دەکرێت بەڵام سەرکردایەتی هەرێم دژی بەشداریکردنیەتی لە شەڕو ململانێ و ئامادەنین ببنە بەشێک لە شەڕی نێوان ئەمەریکاو ئیسرائیڵ دژ بە ئێران ، ئەم بڕیارو هەڵوێستەی سەرکردایەتی کورد هەنگاوێکی ژیرانە و بەرپرسیارانەیە لە بەرامبەر بێلایەنی هەرێم لە بەشداریکردن لە شەڕو ململانێیەکان ، لە ساتی ڕوودانی شەڕەکە خودی نێچیرڤان بارزانی وەک سەرۆکی هەرێمی کوردستان دووپاتی لەوە کردەوە کە هەرێمی کوردستان بەشێک نیە لە لایەنگیری و بەشداریکردن لە شەڕی نێوان ئەمریکاو ئیسرائیل دژ بە ئێران ، لە پەیوەندیکردنیشی لە گەڵ وەزیری دەرەوەی ئێران عەباس عێراقچی دڵنیای دایە ئێران کە هەرێمی کوردستان نابێتە هەڕەشە بۆ وڵاتانی دراوسێی ئێران و ڕێگەش نادرێت هەرێمی کوردستان ببێتە هەڕەشە بۆ سەر هیچ وڵاتێکی ناوچەکە ،سەرۆکی هەرێم هیوای ئەوەشی خواست کە ئاشتی هەمیشەیی لە ناوچەکەدا بچەسپێت و شەڕ کۆتایی بێت ئەم هەنگاوەی نێچیرڤان بارزانی ڕەنگدانەوەی گەورەی هەبوو لە سەر ئاستی نێودەوڵەتی ئەوەبوو سەرۆکی فەرەنسا ماکرۆن پەیوەندی تەلەفۆنی لەگەڵ نێچیرڤان بارزانی ئەنجامداو سوپاسی ڕۆڵی نێچیرڤان بارزانی کرد لە بەرامبەر ئەو هەوڵانەی کە پێشکەشی کردوون بۆ هێنانەدی ئاشی لە ناوچە کەدا ، دواتریش ئەردۆغان سەرۆک کۆماری تورکیا لە پەیوەندیێکی تەلەفۆنیدا ئاماژەی بە ڕۆڵی سەرۆک نێچیرڤان بارزانی دا لە بە رامبەر ئەو هەوڵانەی کە پێشکەشی کردوون لە ناوچەکە دا بۆ هێنانە دی ئاشتی لە چەندین ناوچەدا ، جگە لەمانەش زۆربەی چاودێرەسیاسیەکان و وڵاتان ئاماژە بە ڕۆلی هەرێمی و کوردستان و سەرکردایەتی کورد دەکەن کە ژیرانە مامەڵەیان کردووە لە ناوچەکەدا و بەردەوام هۆکارێک بوونە بۆ هێنانەدی ئاشتی و ژیرانە مامەڵەیان کردوە ، سەرۆک نێچیرڤان بارزانی لەبەرامبەر عێراقیش دا ئاماژەی بەوە کرد کە دەبێت ڕێگە لە گرووپە میلیشیاکانی لە یاسا دەرچووەکاندا بگیرێت بۆ ئەو پەلاماردانەیان بەرامبەر بە هەرێمی کوردستان کە دەیکەن لە ناوخۆی عێراقدا ، چونکە هەرێمی کوردستان بەشێک نیە لە لایەنگیری شەڕەکە و هەڕەشەش نیە بۆ هیچ وڵاتێک و ڕێگەشی نەداوە خاکی هەرێمی کوردستان ببێتە سەرچاوەی هەڕەشە بۆ سەر وڵاتانی دراوسێ ، ئەم خۆ دوورگرتنەی هەرێم لەم شەڕە گەورەیەدا کارێکی یەکجار ژیرانەو لێهاتووی سەرکردایەتی کورد نیشان دەدا لە مامەڵەکردنی دروست لەگەڵ ڕووداو پێشهاتەکاندا ، ئەرکی گەورەش ئەوەیە کە سەرکردایەتی کورد توانیویانە ئەم هەرێمە بەدوور بگرن لە تێوەگلان لە شەڕو ئاژاوەی ناوچەکەدا ، بەداخەوە کە ڕۆژانەش بەبێ هیچ هۆکارێک هەرێمی کوردستان بۆمباران دەکرێت ئەمەش بەشێکی بۆ ڕێگریکردنی هەرێمی کوردستانە لە و پێشکەوتنەی بەخۆیەوە بینیووە و بەشێکی تریش بۆ لەناوبردنی هەرێمی کوردستانە چونکە دوژمنانی کورد بەردەوام لە دژی بوونی هەرێم ئامادەی هەموو کارێکن ، لە بەرامبەر ئەمەش دا کورد بەردەوام گەلێکی ئاشتی خواز بووە و دژی شەڕو کاولکاری بووە چونکە بەدرێژایی مێژوو کورد لەسەر خاکەکەی لە شەڕو ململانێکاندا بووە ، بەڵام ئێستا لەوە تێگەیشتووە کە شەڕ ناتوانێت کۆتایی بە هەموو کێشەکان بهێنێت و دەبێت گفتوگۆ و ئاشتی لە ناوچەکەدا ببێتە بەدیلی شەڕ بۆ کۆتایی هێنانی شەڕو ململانێکان ، بۆ هێنانە دی ئاشتیش هەرێمی کوردستان و سەرکردایەتی کورد و تایبەت نێچیرڤان بارزانی سەرۆکی هەرێمی کوردستان ڕۆڵێکی گەورەو کاریگەری بینیوە لە کۆتای هێنانی چەندین شەڕو ئاژاوەو ململانێ لە ناوچەکەدا ، لە ئێستاش دا بۆ کورد گرنگە کە بەردەوام بێت لە هەڵگری ئەو پەیامەی کە ئاشتی و بێلایەنبوون لە شەڕ چونکە مانەوە و بەهێزبوونی هەرێم و قازانجی کورد لەوەدایە کە بەشێک نەبێت لە ململانێ و شەڕی گەورەی نێوان وڵاتان ، بەتایبەتی ڕێگە نەدرێت کورد بەکار بهێنرێت بۆ هێنانەدی ئەجیندای خۆیان و دواتریش پشتکردن لە کورد و تواندنەوەی لە ناو بەرژەوەندی و ڕێکەوتنەکاندا وەک ئەوەی لە ڕۆژئاوای کوردستان بینیمان ، ئەم هەنگاوانەی سەرکردایەتی کردنی هەرێمی کوردستان لە لایەن نێچیرڤان بارزانی لە چەندین بەرەوە سوودو قازانجی هەرێمی کوردستانی پاراستووە لەهەمووی گرنگتر پیشاندانی هەرێمی کوردستانە بە دەوڵەتانی جیهانی کە هەرێمی کوردستان نموونەیێکی جوانی ناوچەکەیە بۆ ئاشتی و پێکەوەژیان و پێشکەوتن لەناوچەکەدا بەرامبەر بە دەوڵەتانی دراوسێ ، لە ئێستاشدا کورد خۆی خاوەن بریارو پێگەیە لە ناوچەکەدا و ئامادەنیە جارێکی تر ببێتە قوربانی بۆ هیچ وڵات و هێزێک لە پێناو بەکارهێنانی کورد بۆ بەرژەوەندی و قوربانیدان لە پێناو بەدیهێنانی بەرنامەو ئامانجی خۆیان ، لە ئێستاشدا هەموو دنیا دەزانێ کورد لە نێوان ئاشتی و شەڕدا بەشێکە لە ئاشی و لە گەل ئاشتی و زمانی گفتوگۆیە بۆ یەکلایکردنەوەی کێشە و پرسە ئاڵۆزەکان چونکە کورد زیاتر لە وڵاتانی تر کە گرنگی گفتوگۆی جدی و ئاشتی تێدەگات .
