ئادار عەبدولڵا – زاری کرمانجی
ماڵپەڕی جیهانی : sharangdhar.com گوڵکەند شیرینییەکە لە گەڵای گوڵ دروست دەکرێت ناوەکەی لە وشەیەکی فارسی وەرگیراوە، شیرینیەکی زۆر بەسوودە ویارمەتیدەرە لە کەمکردنەوەی ماندوێتی و بێهێزی و خوران و ئازار. گوڵکەند شلەیەکی ساردکەرەوەیە، کە دەتوانرێت بە چەندین شێوازی جۆراوجۆر بخورێت؛ شیرینی گوڵ، ئایسکرێمی گەڵای گوڵ، فالۆدا، شیری گوڵ یان تەنانەت لە ناو خواردنیشدا بەکار دەهێنرێت. ئەم شیرینییە بەوە ناسراوە کە دژە ئۆکسێنەرێکی بەهێزە و گەنجکەرەوەیەکی گەورەیە جگە لەوەی وەک شیرینی ناسراوە دەرمانێکی سەسوڕهێنەریشە بۆچەندین نەخۆشی.
گوڵکەند دەرمانێکی گەورەیە لە ئایورڤێدا و بە پلەی یەکەم بە تایبەتمەندیە ساردکەرەوەکەی ناسراوە کە گەرمی زیادە کەم دەکاتەوە کە لە جەستەدا کۆدەبێتەوە.
ئەمانەی خوارەوە چەند سوودێکی گوڵکەندن؛
کەمبوونەوەی پیتا و گەرمی لە جەستەدا.
کەمبوونەوەی هەوکردنی چاو و سووربوونەوە.
ددان و پووک بەهێز دەکات.
ترشەڵۆکی و گەرمی گەدە کەم دەکاتەوە.
هەستکردن بە سووتان و گەرما کەم دەکاتەوە.
چارەسەری برینی دەم دەکات و ئاوسانی ڕیخۆڵە ناهێڵێت.
لە ئازاری سوڕی مانگانەدا هێوربوونەوە دەبەخشێت و چارەسەری کێشەی دەردانی سپی زیادە دەکات.
ئارەزووی خواردن و هەرسکردن باشتر دەکات و کێشەکانی هەرس ڕاست دەکاتەوە.
ماددە کیمیاییە ژەهراویەکان لە جەستەدا دەشۆرێتەوە و خوێن پاک دەکاتەوە.
پێست روون دەکاتەوە و یەک رەنگ و بریقە بە روخسار دەبەخشێت ڕێگری دەکات لە ڕوودانی کێشەی جۆراوجۆری پێست.
ئارەقەی زۆر و بۆنی ناخۆشی جەستە کەمدەکاتەوە.
ڕێگری دەکات لە جەڵتە و خوێنبەربوونی کونەکانی لووت کەم دەکاتەوە.
ڕێنماییەکانی بەکارهێنانی گوڵکەند.
گونجاوە بۆ هەموو تەمەنێک و هەموو کەس دەتوانن سودمەند بن لە سوودەکانی هەروەها هیچ کاریگەرییەکی لاوەکی یان ڕێوشوێنی خۆپارێزی لەو جۆرەی نییە کە مرۆڤ دەبێت پەیڕەوی بکات لەکاتی بەکارهێنانیدا. بەگوتەی شارەزایان باشترین ڕێگە بۆ خواردنی گوڵکەند کە رۆژانە 2 کەوچکی چای لێ بخورێت بۆ ئەوەی ئەنجامێکی باشتر پێشکەش بکات.
پێکهاتە سەرەکییەکانی گوڵکەند
باشترین کوالیتی پێکهاتەکانی گەڵای گوڵ، Tulas Beej, Sabja Beej، Pravala پێکهاتەی سەرەکی گوڵکەندن کە پێکەوە کۆئەندامی دەمار ئارام و ئارام دەکاتەوە بەم شێوەیە یارمەتیدەرە لە کەمکردنەوەی فشار..
