زاری كرمانجی :
ئەمڕۆ چوارشەممە 30 / 11 / 2022 ، بەڕێوەبەرایەتی گشتی كەشناسی و بوومەلەرزەزانی حكومەتی هەرێمی كوردستان بڵاوی كردەوە كە ئاسمانی ناوچەكانی هەرێمی كوردستان هەوری تەواو دەبێت لەگەڵ بارینی باران و هەورە تریشقەشی لەگەڵدا دەبێت، لە ناوچە شاخاوییەكانیش بەفر دەبارێت.
ئەوەش دەڵێ: ” هەندێ كات باران بارین زیاتر دەبێت، لەناوچە شاخاویەكان بارانی مامناوەند دەبێت و لەسەنتەری پارێزگاكان لەئێوارەدا بارانی زیاتر دەبێت, لەگەڵ دروستبوونی هەورە تریشقە, هەروەها بەفربارین لەسەر ناوچە شاخاوویە سنوورییەكان دەبێت.”
بەڕێوەبەرایەتی گشتی كەشناسی و بوومەلەرزەزانی حكومەتی هەرێمی كوردستان ئاماژەی بەوەشكردووە:” سبەینێ پێنجشەممە 01 – 12 – 2022 ، ئاسمان نیمچە هەور دەبێت لەگەڵ نمە بارانێكی كەم لەكاتەكانی بەیانی زوودا، تەم لەناوچە شاخاویەكاندا دروست دەبێت و پلەكانی گەرما بەرز دەبنەوە بە (1-2 ) پلە لە تۆماركراوی ئەمرۆ، خێرایی با لەسەرخۆ دەبێت (10- 15) كم/ك . ئاراستەی با باشووری خۆرهەڵات دەبێت، مەودای بینین لە نێوان ( 7 – 8 ) كم دەبێت .
بەرزترین پلەكانی گەرمای پێشبینیكراو بە پلەی سیلیزی :
هەولێر : 18 پلەی سیلیزی
سلێمانی : 17 پلەی سیلیزی
دهۆك : 17 پلەی سیلیزی
كەركوك : 19 پلەی سیلیزی
هەڵەبجە : 17 پلەی سیلیزی
زاخۆ : 17 پلەی سیلیزی
سۆران : 14 پلەی سیلیزی
گەرمیان : 23 پلەی سیلیزی
