ئادار عبداللە – زاری کرمانجی
خواردنەوەی ئاوی لیمۆی گەرم جەستە ئاو دەداتەوە یارمەتی هەرسکردن دەدات لەڕێگەی هاندانی ئەنزیمەکانی هەرسکردن، هەروەها ڤیتامین سی زیاد دەکات بۆ پشتگیری بەرگری لەش.
ماڵپەڕی جیهانی : siciliaagrumi.it ئاوی گەرم و لیمۆ وەک ڕێوڕەسمێکی نەرم و شێدارکەرەوە کاردەکات کە دەتوانێت یارمەتی کەمکردنەوەی ئاوسانی پێست بدات، تەندروستی پێست بەرەوپێش ببات و پشتگیری لە کارکردنی گۆڕانکاری خۆراک بکات. خواردنەوەیەکی تەندروستە و پێویستە بەیانیان پێش نانی بەیانی بخورێتەوە، و پسپۆڕانی خۆراک مشتومڕیان کردووە بۆ ئەوەی بتوانن لەوە تێبگەن کە لە ڕاستیدا چ سوودێکی هەیە، و ئایا دروستە هەموو بەیانیەک بخورێتەوە، تاوەکو ئێستا کەس تایبەتمەندییە ئەرێنییەکانی ئاوی لیمۆ و کردارە پاککەرەوەکانی بۆ جەستە ڕەتنەکردۆتەوە. لیمۆ بە یەکێک لە میوە بەسوودەکان دادەنرێت، توانای ئەوەی هەیە یارمەتیمان بدات لە بەرەنگاربوونەوەی ئەنفلۆنزا و وشکبوونەوەی لەش، بە تایبەتی ئەو بڕە زۆرەی ڤیتامین C کە لەناویدا هەیە ڕێگە بە بەرگرییەکی سەرەتایی دەدات لە دژی ئەو نەخۆشیانەی کە هێرش دەکەنە سەر سیستەمی بەرگری لەش. هەر لەبەر ئەم هۆکارەش دەوترێت لیمۆ و ئاوی گەرم لە بەیانیاندا کردارێکی سروشتی دژە زیندەیی هەیە، کە گونجاوە بۆ کەشوهەوای سارد بە هەمان شێوە ڤیتامین و کانزاکان یارمەتی لەش دەدەن باشتر هەرس بکات. لیمۆ پرۆسەی هەرس چالاک دەکاتەوە و وەڵامدانەوەی میتابۆلیزم خێراتر دەکات، ئەمەش ڕێگەی پێدەدات هەموو ژەهرێکی زیادە لەناوببات. پێست بەهۆی ئەم خواردنەوەیە کاریگەری لەسەر دەبێت و پێستێکی جەان و درەوشاوەیی نوێ بەدەستدەهێنێتەوە. بەتایبەت بۆ ئەو پێستانەی وشکن کە بە شێداری دەهێڵێتەوە لە بەرامبەر هەر نەخۆشیەکی پێستی pH ی سروشتی پێست ڕێزی لێدەگیرێت و هاوسەنگییەکی تەواو دەدۆزێتەوە ئەمەش ڕێگەی پێدەدات باشتر لە برینەکان و کونیلەکانی پێست چاک بێتەوە و بریقە و ڕەنگی تۆنەکەی زیاد بکات.
