زاری كرمانجی – چۆمان:
له راگەیاندراوێكی بەڕێوەبەرایەتی گشتی كاروباری مینی هەولێر، هاتووه : ئەمرۆ دوو شەممە رێکەوتی ۲٠۲۲/۱۱/۲۸ بە ئامادەبوونی عەلی عەبدولڕەحمان، بەرێوەبەری گشتی کاروباری مینی هەولێر و ژمارەیەک بەرپرسی ئەمنی ناحیەی سمیلان، لە لایەن تیمی لەناوبردن EOD لە چاڵی چۆمباڵۆک لە سنووری ناحیەی سمیلان لە قەزای چۆمان، زیاتر لە 500 مین و تەقەمەنی جەنگی لە تەقینەوەیەکدا بەسەرکەوتووی لەناوبردران”.
ئاماژە بەوەشكراوە: “ئەو مین و تەقەمەنیانەی ئەمڕۆ لە ناوبردران لە ئەنجامی کاری رۆژانەی تیمەکانمان و پەیوەندی تەلەفۆنی هاووڵاتییان کۆکرابوونەوە، بە لەناوبردنیان مەترسی لەسەر گیانی هاووڵاتییان لە سنوورەکەدا کەم دەبێتەوە”.
