لە دەروازەی حاجی ئۆمەران جموجۆڵی بازرگانی و گەشتیاری بەردەوامی هەیە

پشتیوان كەریم -حاجی ئۆمەران:

بەرپرسی راگەیاندن و پەیوەندییەكانی دەروازی نێودەوڵەتی حاجی ئۆمەران ئەو دەنگۆیانە رەتدەكاتەوە كە باس لە راگرتنی جموجۆڵی بازرگانی و گەشتیاری دەكات لە دەروازەكەیان و ده‌ڵێ :” رۆژانە جموجۆڵی گەشتیاری و بازرگانی لەرێگەی دەروازەی نێودەوڵەتی حاجی ئۆمەرانەوە بەردەوامی هەیە.”
سیروان حسێن بەرپرسی راگەیاندن و پەیوەندییەكانی دەروازی نێودەوڵەتی حاجی ئۆمەران به‌ زارى كرمانجى راگه‌ياند :” رۆژانە جموجۆڵی بازرگانی و گەشتیاری بوونی هەیە و تا ئێستا نەوەستاوەو هیچ گرفتێكیش بوونی نییە لە دەروازی حاجی ئۆمەران.”
لەبارەی ئەو قوتابیانەی لە وڵاتی ئێران درێژە بە خوێندنی باڵا دەدەن، سیروان دەڵێ‌:” تا ئێستا هیچ گرفتێكیان بۆ دروست نەبووەو لە رێگەی دەروازەی نێودەوڵەتی حاجی ئۆمەرانەوە هاتووچۆ دەكەن.”