ئادار عبداللە – زاری كرمانجی
بە پێی هەواڵی ماڵپەری : شەفەق News كە ئەمڕۆ چوارشەممە، لێدوانی وەزیری تەندروستی حكوومەتی هەرێمی كوردستانی بڵاوكردووەتەوە، ئەوەی ئاشكرا كردووە: ” لە ساڵی ٢٠٢٥دا ١٠ هەزار و ٤٨١ تووشبووی نەخۆشی شێرپەنجە لە هەرێمی كوردستان تۆماركراون. بەشێكی زۆر لەوانە خەڵكی شارەكانی عێراقن بۆ چارەسەر ڕوو لە نەخۆشخانەكانی هەرێم دەكەن.
د. سامان بەرزنجی وەزیری تەندروستی، لە كۆڕبەندی تایبەت بە نەخۆشی شێرپەنجە كە لەلایەن زانكۆی سەڵاحەدین لە هەولێر ڕێكخرابوو، ئاماژەی بەوەدا كە نزیكەی 40%ی حاڵەتەكان تووشبوون بە نەخۆشانی پارێزگاكانی دیكەی عێراق كە ڕۆژانە گەشت دەكەن بۆ هەرێم بۆ چارەسەری.
ئاماژەی بەوەشكردووە، چاودێری شێرپەنجە لە هەرێمی كوردستان تەنها لەڕێگەی نەخۆشخانە حكوومییەكانەوە دابین دەكرێت، بێ بەرامبەر هەروەها لەلایەن حكوومەتی هەرێمەوە لەڕێگەی سندوقێكی تەندروستی تایبەتەوە پارەی بۆ دابیندەكرێت.
بەپێی ئاماری شێرپەنجەی وەزارەتی تەندروستی عێراق لە ساڵی ٢٠٢٤دا زیاتر لە ٤٣ هەزار حاڵەتی نوێی شێرپەنجەی لە سەرانسەری عێراق تۆماركردووە. وەزارەتەكە زیاتر بەرزبوونەوەی بەردەوامی تووشبوون بە شێرپەنجە لە هەرێمی كوردستان بەڵگەدار كرد، كە ڕێژەكان لە ماوەی دەیەی ڕابردوودا زیاتر لە دوو هێندە زیادی كردووە و گەیشتووەتە ١٥١ حاڵەت لە هەر ١٠٠ هەزار كەس – كەمێك خراپترە لە تێكڕای نێودەوڵەتی كە ١٩١ حاڵەتە لە هەر ١٠٠ هەزار كەس.
