لێرە بەدواوە پارەی زیاتر لە هاووڵاتییان وەردەگیرێت

زاری كرمانجی – سۆران:
میكائیل مەجید، بەرپرسی دانەوێڵەی سۆران، بۆ زاری كرمانجی ئاشكرای كرد:” چەند رێنماییەك هاتوونە، بەپێی ئەو رێنمایانە بێت هەر هاووڵاتییەك لە كاتی وەرگرتنی بەشە خۆراكی مانگانە بۆ ئارد دەبێت 100 دینار بدات، كە ئێستا تەنیا 50 دینار وەردەگیرێت، بۆ كەلوپەلی خۆراكیش لە 310 دینارەوە دەكرێتە 350 دینار.
بەرپرسی دانەوێڵەی سۆران، دەشڵێ:”بەپێی ئەو رێنمایانەی هاتوونە ئەو پارەی لە هاووڵاتییان وەردەگیرێت دەبێت بگەڕێتەوە بۆ خەزێنەی گشتی عێراق، ئەوەش دەمێنێتەوە لەسەر چوونی شاندی كوردستان بۆ بەغدا و گفتوگۆ كردن لەسەر بەشە خۆراكی مانگانە”.