زاری كرمانجی – سۆران :
سەرۆك مەسعود بارزانی لە پیرمام، میوانداریی كۆبوونەوەیەكی فراوانی نێوان نێردەی ئەمریكا، فەرماندەی گشتیی هەسەدە و سەرۆكی ئەنەكەسە كرد.
لە كۆبوونەوەكەی دوێنێ شەممە 17ـى 1ـى 2026، هەر یەك لە تۆم باراك، نێردەی تایبەتی سەرۆكی ئەمریكا بۆ كاروباری سووریا، هەروەها كێڤن لامبارت، فەرماندەی هێزەكانی ئەمریكا لە سووریا؛ مەزڵووم عەبدی، فەرماندەی گشتیی هێزەكانی سووریای دیموكرات (هەسەدە) و محەممەد ئیسماعیل، سەرۆكی ئەنجوومەنی نیشتمانیی كورد لە سووریا (ئەنەكەسە) بەشدار بوون.
سەرۆك بارزانی سوپاسی لایەنەكانی كرد كە لەم هەلومەرجە تایبەتەدا ئامادەییان بۆ ئەم كۆبوونەوەیە هەبووە لەپێناو ئاشتی و ڕێگرتن لە توندوتیژی.
بارزانی جەختی لەوەش كردەوە كە “بایەخ و گرنگیی دیالۆگ، سەقامگیری و پێكەوەژیان لە سووریای نوێ”.
هاوكات تۆم باراك بە نوێنەرایەتیی ئەمریكا سوپاس و پێزانینی ئاراستەی سەرۆك بارزانی كرد بۆ ڕێكخستنی ئەم كۆبوونەوەیە و پشتیوانییە بەردەوامەكانی بۆ پرۆسەی ئاشتی.
