رێبوار حەمەلاو شوانی
مێژوو گەواهیدەرە هەر كاتێك دۆزی كورد لە هەر بەشێكی كوردستان بكەوێتە مەترسیەوە ، ئەوا سەرۆك بارزانی ، بەهەموو توانایەكەوە هەوڵە سیاسی و دیپلۆماسییەكانی لە سەر ئاستی ناوچەكە و نێودەوڵەتی دەخاتەگەڕ بۆ ئەوەی ڕێگە نەدات نەتەوە و نیشتیمانەكەی بكەوێتە مەترسییەوە و بە هەموو توانایەكەوە داكۆكییان لێ دەكات .
بارودۆخی ناوچەكە تادێت بە هەڵومەرجێكی گرنگ و هەستیاردا تێدەپەڕێت ،جەمسەربەندی و بەرژوەندی زڵهێزان و وڵاتانی ناوچەكە كەشێكی هەستیاری هێناوەتە ئاراوە و پێوەستی بە خوێندنەوە و سیاسەت و دیپلۆماسی وردبینانەیە، لەم كاتەنەدا هێزی نەرم و بیركردنەوەیەكی ئارام دەكرێت چارەسەرێكی وردبینانە بێنێتە ئاراوە، وەك هەمیشە ئەوەی لە پەرۆشی و خەمخۆری نەتەوە و نیتشیمانەكەی بووە لە سەر ئاستی هەر چوارپارچەی كوردستان و هەمیشە هەڵوێستی كوردانە و پێشمەرگانە هەبووە ، جەنابی سەرۆك مسعود بارزانی بووە ، كە توانیوێتی بەسیاسەت و ئەزموونی سیاسی هەوڵەكانی بۆ چارەسەری ئاشتیانە و لە پێناو هێنانەدی ئاشتی و مافەرەواكانی كورد ڕۆڵی بونیاتنەر بینیووە ، بۆیە ئەمڕ وەك رابەڕێكی كارێزما بووتە سیمبوڵی ئاشتی و ئارامی بۆ هەموو گەل و پێكهاتە نەتەوەیی و ئایین وئایینزاكانی ناوچەكەدا
جارێكی تر سەرۆك مسعود بارزانی ،پەیامە مێژووییەكەی سەبارەت بە ڕووداوەكانی شەڕی حەلەب لە نێوان كوردانی رۆژئاڤا لە شێخ مەقسوود و ئەشرەفیە ، بۆ حكوومەتی ئێستای سووریا و بەوەی جارێكی تر بە پاساوی ناكۆكیی سیاسی ، هەوڵی كۆمەڵكوژی و تاوانێكی دیكەی نامرۆڤایەتی دژی گەلی كورد ئەنجام بدرێت ، دەبێ حكوومەتی سووریا ڕەچاوی ژیانی پێكەوەژیانی هەموو گەل و پێكهاتەكانی ناوچەكانی سووریا بكات ؛ بەدڵنییاییەوە ئەوەی ئێستا بەرانبەر بە كوردانی ئەم دوو گەرەكەی شارەی حەلەب دەكرێت بۆ ڕاگواستنیان لە شوێنی باب و بایپرانیان نەك هەر دۆخی سووریا سەقامگیر ناكات ، بەڵكو داهاتووی ئەو وڵاتە بەرەو ئاقارێكی نادیار دەبات
مێژووی دوێنی و ئەمڕۆش گەلی كورد ، ناوچەی رۆژهەڵاتی ناوەڕاست ، جگە لە هەموو ئەو نەهامەتییانەی لەلایەن داگیركەران و دوژمنانییەوە بەسەر هێنراوە ، هەردەم هۆكاری ئاشتی و سەقامگیری بوو، هەمیشە باوەری بە پێكەوەژیانی ئاشتیانە و دابینكردنی ئاسایش هەبوو ، بۆیە بوونی كورد و داواكاری مافەكانی و بوونی سیستەمێكی فیدراڵی لە سووریا لە جیاتی سیستەمێكی ناوەندی وتاكڕەویی بەدڵنییاییەوە ئاسایش و ئارامی دێنێتە ئاراوە ، پێچەوانەكەشی داهاتووی ئەو وڵاتە زیاتر بەرەو ئاڵۆزی دەبات
هەر بۆیە، سەرۆك بارزانی ، بەردەوام لە رژدە لە سەر ئەوەی پێوەستە دۆزی كورد لە چوارچێوەی دەستووری ئەو وڵاتە دا جێگر بكرێت ، ئەوەش ئاماژەیە بەو راستییەی لە سەر ئاستی نێودەوڵەتیش هەوڵەكانی بۆ پارێزگاریكردن لە مافەرەواكانی نەك تەنها گەلی كورد ،بەڵكو هەموو پێكهاتە ئایینی و ئایینزاكان جێگر بكرێت ، هەر ئەوەشە دەبێتە هۆكاری سەقامگیری نەك بەكارهێنانی تۆپ وتانك و جبەخانه؛ مێژوویش سەلماندوێتی بە شەڕ و ستەمكاری و خۆسەپاندن ناتوانن سەقامگیری و هاوبەشی بێنەدی ، بەردەوامی ئاڵۆزییەكانی رۆژئاوای كوردستان نەك هەر دۆخەكە ئاڵۆزتۆ دەكات ، بەڵكو شەڕ و گرژی زیاتر لە ناوچەكە دێنتەئاراوە و ئاگرە بەرفراوانتر دەكات
زۆرگرنگە ، پەیامی جەنابی سەرۆك بارزانی و سەرۆوكوەزیرانی كوردستان ، بۆ وڵاتانی ناوچەكە و نێودەودەڵەتی بۆ چارەسەری ئاشتیانە بەرێگەی گفتوگۆ ودیپلۆماسی ، هەمووان دەخاتە ژێر بەرپرسیاریەتی مێژوییەوە ،چونكە سەقامگیری و ئاسایشی ناوچەكە و بەتایبەتی سووریایش وەك زنجیرێك وایە بەیەكەوە گڕێدراوە ، ئەو سیاسەت و دیپلۆماسییە هاوسەنگەی بارزانی و دووركەوتنە لە كێشە وئاڵۆزییە كانی ناوچەكە و ڕەچاوگرتنی بەرژوەندییە باڵاكانی نەتەوەی كورد بەتایبەتی دۆزی كورد لە رۆژئاوای كوردستان ،هەوڵێكیش بۆ پاراستنی كورد و ڕێگریكردن لە زیاتر بەرفراونبوونی شەڕ و ئاڵۆزییەكان ، دڵنییایی لە مسۆگەر بوونی مافی گەلی كورد لە ناوچەكەدا ، بە پێچەوانەوە سیاسەتی كۆمەڵكوژی و نادیدەگرتنی كورد و ستەمكاری ئەوا ئاشتی و ئارامی لەناوچەكە ناێنێتەدی
بۆیە،كاتی ئەوە هاتووە بڵێین ،گەلی كورد لەناوچەكە خاوەن دۆزێكی رەوایە ،شەڕ لە سەدساڵی رابردوو نەیتوانی دۆزی كورد چارەسەر بكات و سەقامگیری بێنێتە ئاراوە ، ئەوەی ئێستا گڕنگە لۆژیك و سیاسەتە نەك شەڕ ، بۆیە پاراستنی گەلی كورد و پێكهاتەكانی تر ، هەموو جیهان دەخاتە بەر بەرپرسیاریەتییەكی گەورە ، كاتی ئەوە هاتووە لۆژیكی ئاشتی وگفتوگۆ زاڵ بێت سەر شەڕ و خۆسەپاندندا ، كاتی ئەوەهاتووە هەمووان بە پیر پەیامە مێژووییەكەی جەنابی سەرۆك بارزانییەوە بچن ، لە پێناو بەدیهێنانی ئاشتی وچارەسەری ڕیشەی بۆ دۆزی كورد و پێكهاتەكانی دیكە لە سووریا لەپێناو ئاشتییەكی هەمیشە لە ناوچەكەدا و پێچەوانەكشی دروستە
