زاری كرمانجی-چۆمان:
پڕۆژەی قیڕ كردنی ڕێگای سەرەكی ( سۆران- چۆمان ) لە گوندی ناوكێلەكان لەسنووری ناحیەی گەڵاڵە، لەسەر بودجەی ئیدارەی سەربەخۆی سۆران و لەلایەن تیمەكانی بەرێوەبەرایەتی چاككردنەوەو پاراستنی رێگاوبانی ئیدارەی سۆران جێبەجێ دەكرێت.
سوارا ئەكڕەم، قائیمقامی چۆمان، بە زاری كرمانجی گووت: ” لەسەر بودجەی ئیدارەی سەربەخۆی سۆران، بە گوژمەی 149 ملیۆن دینار، دەستكرا بە قیڕتاو كردنی بەشێكی رێگای هامڵتۆن، لە سنوری ناحیەی گەڵاڵە سەربە قەزای چۆمان”.
ئاماژەی بەوەش كرد: ” لە پڕۆژەكانی 2022 ئیدارەی سەربەخۆی سۆران، بڕی سێ ملیار دیناری بۆ پڕۆژەكانی قەزای چۆمان تەرخانكردووەو نزیكەی 70% پڕۆژەكان بە كۆتا هاتوون”.
گووتیشی: ” لەماوەی دووساڵی رابردوودا تائێستا نزیكەی 20 كیلۆمەتر لەم رێگا سەرەكییەی نێوان، قەزاكانی سۆران و چۆمان، كاری قیڕتاو كردنی بۆ ئەنجام دراوەو بەردەوامیشە”.
