وەزارەتی کاروباری شەهیدان و ئەنفالکراوان رایگەیاند پێویستە سەرجەم کەسوکاری شەهیدان، زیندانییانی سیاسی و بەرکەوتووانی چەکی کیمیایی بە زووترین کات ناوی خۆیان لە پڕۆژەی “هەژماری من” تۆمار بکەن بۆ مووچەی مانگی 10، دەبێت فۆڕمەکە پڕبکەنەوە، ئەوکات مووچەکانیان وەردەگرن.
رۆژی یەكشەمە 21-12-2025 بە پێی نوسراوێکی فەرمی وەزارەتی شەهیدان و ئەنفالکراوان کە ئاراستەی سەرجەم بەڕێوبەرایەتییە گشتییەکانی پارێزگاکان کراوە تیایدا هاتووە، “پێویستە سەرجەم کەسوکاری شەهیدان، زیندانیانی سیاسی و بەرکەوتووانی چەکی کیمیایی بە زووترین کات ناوی خۆیان لە پڕۆژەی (هەژماری من) تۆمار بکەن”.
لە نووسراوەكە زیاتر روونكراوەتەوە ” لیستی ناوی ئەو مووچەخۆرانەی هاوپێچی نووسراوەکە کردووە کە تا ئێستا ناوی خۆیان تۆمار نەکردووە، بۆ ئەوەی رێکاری پێویستیان بۆ بگیرێتەبەر”.
بە پێی ئاماری وەزارەتی کاروباری شەهیدان و ئەنفالکراوان نزیکەی 30 هەزار كەس فۆرمی هەژماری منیان پڕ نەکردۆتەوە.
