محەممەد مەحموود – سۆران :
بەپێی ڕاگەێیندراوێکی بەڕێوەبەرایەتی ئاوی سۆران کە تایبەت بە کرێی ئاوی مانگانەو نەبەستنی پێوەر تێیدا هاتووە ” داشکانێکی تایبەت لە هەژمارکردنی کرێی ئاوی مانگانە بۆ هەر شوێنێکی (نیشتەجێ یان بازرگانی)سوودمەند لە هێلی ئاوی خواردنەوە کە تا ئێستا نەیانتوانیوە پێوەری ئاو ببەستن بەهۆی کەڵەکەبوونی بڕە پارەیەکی زۆر لە سەریان چونکە بۆ هەر مانگێک 45،000 لەسەریان هەژمار کراوە بە شێوەیەکی ئاسایی ، بەڵام دوای هەوڵی بەڕێوەبەرایەتیی گشتی ئاو و ئاوەڕۆ و پاڵپشتی وەزیری شارەوانی وگەشتوگوزار و رەزامەندی ئەنجومەنی وەزیران وەرگیرا بە داشکانی تایبەت تاوەکو 2026/1/4 بەم شێوەی خوارەوە:
بۆ شوێنی نیشتەجێبوونی ناو شار کرێی مانگانە لە 45,000 بۆ 20,000 داشکانی بۆ کراوە
بۆ شوێنی نیشتەجێبوونی دەرەوەی شار شار کرێی مانگانە لە 45,000 بۆ 10,000 داشکانی بۆ کراوە.
بۆ شوێنە بازرگانییە جیاوازەکان کە 30جۆری جیاواز لە خۆ دەگرێت لە 200,000 دینارەوە داشکانی بۆ نرخی جیاواز بە پێی خشتەی خوارەوە :
ئەم شوێنانەی لە خوارەوە ئاماژەی پێدراوە لەمەو دوا مانگانە بەم شێوەیە غڕامە دەکرێن
١. سه رتاشخانەی پیاوان ١٠,٠٠٠
٢.ئارایشگای ئافرتان ١٥,٠٠٠
٣.سەوزه فرۆش ١٠,٠٠٠
٤.جوانكاری، پێداویستی مالەوە ، خواردەمەنی ٥,٠٠٠
٥.ماسی فرۆش١٥,٠٠٠
٦.ساردەمەنی ١٥,٠٠٠
٧.مریشك فرۆش ١٥,٠٠٠
٨.گوشت فرۆش١٠,٠٠٠
٩.چایخانەی بچووك ٥,٠٠٠
١٠.كافتریا و گازینو ٢٠,٠٠٠
١١.فرنی نان،سەموون – بچوك ٧,٥٠٠
١٢.فرنی نان وكیك – گەوره ١٥,٠٠٠
١٣.چێشتخانەی میللی ١٥,٠٠٠
١٤.چیشتخانەی گەشت و گوزاری بێ باخچه ٢٥,٠٠٠
١٥.مولیده ١٠,٠٠٠
١٦.به نزینخانەی به تەنها ١٠,٠٠٠
١٧.نه مامگەكان ٢٥,٠٠٠
١٨.شیرنەمەنی و ساردەمەنی (دروستكردن و فروشتن) ٢٥,٠٠٠
١٩.بەرگدروو، زێرینگر، مینی ماركیت ، جل و بەرگ، چەرەزاتی بچووك، موبایل و كومپیوتەر ٥,٠٠٠
٢٠.تورشی فرۆش ١٥,٠٠٠
٢١.چەرەزاتی گەوره ٢٠,٠٠٠
٢٢.سەنتەرەكانی وەرزش ٣٠,٠٠٠
٢٣.هۆڵی ئاهەنگ گێران ٣٠,٠٠٠
٢٤.پەیوەندییەكان (بنكه كان و بورجه كان) ١٥,٠٠٠
٢٥.شوێنی چاككردنەوەی کەل ە پەلی كارەبایی و ئاوی ٥,٠٠٠
٢٦.فیتەر و و دارتاش و پەنجەرچی و ڕوونگۆڕ ١٠,٠٠٠
٢٧.پێشانگاكانی ئوتومبیل ١٠,٠٠٠
٢٨.گەراجی ئوتومبیل ٥,٠٠٠
٢٩.نۆرینگەی پزیشكی، دەرمانخانه، تاقیگه، تیشك (بچووك) ١٠,٠٠٠
٣٠.كۆگاكان ١٥,٠٠٠
لە ڕاگەێیندراوەکەی بەڕێوەبەرایەتی ئاوی سۆران ئاماژە بەوەشکراوە ” لەو بڕیارانەی سەرەوەش داشكانی( 20% )ی بۆ دەكرێت بەو مەرجەی پابەند بێت به بەستنی پێوەری ئاو و توماركردنی .
داوا لە هاوڵاتیانی سنۆری ئیدارەی سەربەخۆی سۆران دەکەین کە ئاوی تۆمارنەکراوییان هەیە و پێوەریان نەبەستووە سوود لەو دەرفەتە وەربگرن کە تا وەکو ڕێکەوتی 01/04/2026 بەردەوام دەبێت .
