رێبوار حەمەلاو شوانی
ڕووداو و بۆنە و پێشهاتەكان مێژوو و ئەزموونێكی باشن بۆ ناسین و كەسایەتی هەڕ ڕابەر و سەرۆك و حكوومڕانییەك ، بەتایبەت ئەگەر ئەو پرسە پەیوەست بێت بە بابەتە مڕۆڤایەتی و نەتەوەیی و نیشتیمانییەكان، رووداو و كارەساتەكانی ئێتر چ لەڕووی سیاسی و شەڕ و سروشتی بێت، یانیش هەر پرسێكی دیكە تایبەت بە دۆزی نەتەوەیی، ئەوەی دەمهەوێت بڵێم هەڵگرتنی ئەرك و بەرپرسیاریەتی باوكانەیە، هاوبەشیكردنە لە ناخۆشییەكانە، بەرگریكردنە شەرەف و كەرامەت كورد و خاك و نیشتمان لەلایەك و لەلایەكی تریش ناردنی پێشمەرگە بە بێ حیسابكردن بۆ سنوورە دەستكردەكان، ئینجا لەكاتی بوومەلەرزە لە رۆژئاڤا و باكووری كوردستان و ئینجا پرۆسەی ئاشتی و بەرگریكردن لە مافە رەواكانی كورد و پشتیوانیكردنی نەتەوە و نیشتمان هەموو ئەمانە ئاماژەن بە بوونی خەمخۆر و ڕابەرێك كە هەموو تەمەنی لە پێناو دۆزی رەوای نەتەوەكەی فیدا كردووە.
ئەمڕۆ بەهەمان شێوە لە باشووری كوردستانیش لەماوەی ساڵانی رابردوو و بە ئێستای رووداوی لافاوەكەی چەمچەماڵ كە تاقیكردنەوەیەكی مێژووی و سەخت و مرۆڤایەتییە، زۆرجاریش بینیوومانە زۆر لە توانایی حكوومەت و دەسەڵاتەكانتان بەدەرە، بەڵام وەك جارێكی تر باوك و ڕابەرێكی دڵسۆز بە لە یەكەم چڕكە ساتی كارەساتەكە بەرپرسیاریەتی نیشتمانی و نەتەوەیی و خەمخۆری خۆی دەربڕی، كاردانەوە و هەڵوێستی خێرا و یەكلاكەرەوە سەرۆك مسعود بارزانی و بە فریاگەیشتنی خەڵكی ئەم ناوچە تێكۆشەرە و پایتەختی شەهیدان و ئەنفال بۆ پاراستنی سەروماڵی ئەو خەڵكی ئەو دەڤەرە، ئەوەش دەرخەری هەستی دڵسۆزی و كوردپەوەری و نیشتیمانپەوەرییە.
بۆیە، هەر لەگەڵ بیستنی رووداوی لافاوەكەو زیانگەیاندن بە خەڵكی ئەو دەڤەرە تێكۆشەر و قوربانیبەخشە ، سەرۆك بارزانی بە خێرایی و بەهەستێكی كوردپەوەری و نیشتیمانپەوەری ، دوای هەڵسەنگاندنی ورد بۆ ڕووداو و زیانەكانی فەرمانی كرد تا بەخێرای هاوكاری و پشتیوانی حكوومەتی كوردستان و دەزگە خێراخوازی و فریاگوزارییەكان بگەێنڕێتە خەڵكی ناوچەكە و بەهەموو توانایەوە فریای لێقەوماوان بكەون ، ئەوەش ئاماژە و پەیامێكی روون بە دڵسۆزی و كەسایەتی رابەرێكی خەمخۆر بۆ نەتەوە و نیشتیمانەكەی بەوە ژیانی هەر تاكێكی ئەم كوردستانە لەسەروەی هەموو پرسێكی دیكەوەیە و دەبێت شادی و ئومێدی و گەرمی بۆ ئەو خەڵكە لێقەوماوە بگەڕێنێتەوە ؛ هەر ئەوەش بوو لەگەڵ پەیام و راسپاردەی سەرۆك بارزانی ، هەموو دەزگە تایبەتمەندییەكانی حكوومەتی كوردستان بە هەموو تیمە تایبەتییەكان و تەندروستی لەماوەیەكی كورتدا گەیشتنە ئەو دەڤەرە و تا بەفریای لێقەوماوانی ڕووداوی لافاوكەی چەمچەماڵ و گەرمیان بكەون
بەدڵنییاییەوە ، ئەم هەڵوێست و كاردانەوە خێرایە وایكرد، نەك هەر ڕێگری لەزیانی زیاتر بەر خەڵكی ئەو ناوچانە بگیرێت ، بەڵكو كاروانی هاوكارییەكان بەخێرایی بگاتە دەستی لێقەوماوان ، ئەوەش دڵ گەڕمی و هیوایەكی گەورە و ئارامی و دڵنەوایی بۆ خەڵكی دەڤەرەكە ، ئەوەش پێمان دەڵێت ، بابەتەكە تەنیا پرسێكی گەیاندنی هاوكاری و فریاگوزاری نەبووە ، بەڵكو مێراتێكی گرانبەها و مرۆڤایەتی و كوردپەوەری و نیشتیمانپەوەری سەرۆك بارزانی بوو وەك هەمیشە خەم و پەرۆشی باوكانەی و بەرپرسیاریەتی بەرامبەر بە گەلەكەی ئەنجامدا،
بەدڵنییاییەوە پەرۆشیی و خەمخۆری و هەڵگرتنی بەرپرسیاریەتی بۆ گەل ونیشتیمانەكەی ، بۆ ڕێبازێك دەگەڕێتەوە نەك تەنها لە كاتی شەڕ و ناخۆشییەكاندا بەڵكو لەكاتی ڕووداوە سروشتی و كۆمەڵایەتییەكانیشدا هەمیشە لە ناخۆشی و خۆشییەكانیشدا خۆی بە هاوبەش و بەرپرسیار زانیووە ،لاپەرەكانی مێژووی دوێنێ و ئەمڕۆ باشترین بەڵگەی حاشاهەڵنەگرن ، ئەم قوتابخانە و ڕێبازە و ئینجا خزمەتكاری گەل و نیتشمان وەك گەورەترین شانازی وادەكات رۆژ بەرۆژ پایەكانی حكوومڕانی كوردستان بەهێزتر بێت و رووداوی سروشتی بێت یانیش سیاسی و سەربازی بەتایبەتی هەموو ئەو رووداوانەی بۆ دۆزی كورد دێنەپێشەوە پێمان دەڵێن ، هەڵگرتنی ئەرك و بەرپرسیاریەتی بەرامبەر بە نەتەوە و نیشتیمان تەنها هەڵوێست و كاردانەوە دەردەكەوێت ، بارزانی و ڕابەرایەتی لە هەموو قۆناغەكاندا سیمبوڵی ئەو ئەرك و بەرپرسیاریەتییە پیرۆزانەیە بۆ پارێزگاریكردن لە كورد و كوردستان .
