زاری كرمانجی – سۆران :
حكومەتی هەرێمی كوردستان بەردەوام هەلی كار بۆ گەنجان دەڕەخسێنێت و تواناكانی گەنجان بەگەڕدەخات.
لە چوارچێوەی هەوڵە بەردەوامەكانیدا بۆ پەرەپێدانی ئابووری و كەمكردنەوەی ڕێژەی بێكاری، حكوومەتی هەرێمی كوردستان لە ڕێگەی فەرمانگەی میدیا و زانیارییەوە، ژمارەیەك دەستكەوتی گرنگی لە بواری ڕەخساندنی هەلی كار و پشتگیریكردنی توانا ناوخۆییەكاندا ڕاگەیاند.
ئەم هەنگاوانە بوارە جیاوازەكانی كەرتی گشتی و تایبەتی گرتۆتەوە و تێیدا ژمارەیەكی بەرچاو لە هاووڵاتییان سوودمەند بوون.
كەرتی پەروەردە و خوێندنی باڵا:
- بۆ بەرزكردنەوەی ئاستی زانستی و دابینكردنی میلاكی پێویست، لەسەر داهاتی ناوخۆ، 3,800 وانەبێژی خوێندنی باڵا و 38,000 مامۆستای وانەبێژی وەزارەتی پەروەردە، كراونەتە گرێبەست.
- لە هەنگاوێكی گرنگدا بۆ پشتگیریكردنی خوێندكارە یەكەمەكان، بڕیاری دامەزراندن بۆ 4,925 كەس لە سێ یەكەمەكانی زانكۆ و پەیمانگەكان دەرچووە.
كەرتی تەندروستی و دامەزراندن لە كەرتی گشتی :
- 779 دەرچووی كۆلێژە پزیشكییەكانی حكوومەت لە كەرتی تەندروستیدا دامەزراون.
- 500 فەرمانبەری نوێ بۆ پارێزگای هەڵەبجە دامەزراون.
پشتگیری لە پڕۆژە و كەرتی تایبەت :
- لە ڕێگەی پڕۆژەكانی وەبەرهێنانەوە 140,000 هەلی كاری نوێ ڕەخسێنراوە.
- زیاتر لە 18,000 هەلی كار لە ڕێگەی كارگە پیشەسازییەكانەوە دابینكراوە.
- سندووقی پشتیوانیی پڕۆژە بچووكەكان یارمەتیدەر بووە بۆ 8,136 گەنج تا پڕۆژەی خۆیان دەستپێبكەن، هەروەها 29,000 پڕۆژەی دیكەش دەستەبەر كراون.
- لە چوارچێوەی پڕۆژەی “گەشانەوە”، بڕی 2.75 ملیار دینار وەك قەرزی درێژخایەن بە پڕۆژەكان دراوە.
ڕاهێنان و دەستەبەریی كرێكاران :
- 9,718 كەس سوودمەندبوون لە خولەكانی ڕاهێنانی پیشەیی بە مەبەستی پەرەپێدانی تواناكانیان و ئامادەكردنیان بۆ بازاڕی كار.
- مافی 116,000 كرێكاری ناوخۆیی و بیانی لە ڕێگەی یاسا و ڕێنماییەكانەوە دەستەبەر كراوە.
