وەرزش – زاری کرمانجی:
شۆخان نورەددین، خانمە یاریزانی کوردی هەڵبژاردەی عێراق، و یانەی هیلال ی سعوودی، لە یەک یاریی یانەکەیدا 15 گۆڵی تۆمار کرد.
دوێنێ شەممە لەمیانەی بەڕێوەچوونی یارییەکانی خولی سعوودی لەسەر ئاستی خانمان، یانەی هیلال 18-0 لە یانەی ئەلسەمای بردەوە، و خانمە کوردەکەش درەوشایەوە.
شۆخان، پێشووتر یاریی بۆ یانەکانی خانمانی هەولێر، چۆمان و چەند یانەیەکی تر کردووە. ماوەیەک پێش ئێستا بەگوێرەی گرێبەستێک ڕوویکردە یانەی هیلال ی سعوودی، و لە ئێستادا لە 4 یارییدا 22 گۆڵی کردووە و گۆڵکاری خولی سعوودییە یە.
