جبار عەبدولڵا مهاجیر
هەر لەسەرتای دەسپێكی كابینەی نۆیەم بەسەرۆكایەتی مەسرور بارزانی، رێگایەكی هاوچەرخی سەردەمی نوێ دەستی پێكرد كە جیاوزتر بوو لە كابینەكانی پێشوو، ئەم كابینەیە لەسەرەتادا بەكۆمەڵێك ئاستەنگی گەورەوەی لەبەردەم بوو، بەڵام لێهاتوویی سەرۆكی حكوومەتی هەرێمی كوردستان و بیرۆكەكانی تووانی تەواوی ئەو بەربەستانە تێپەڕێنێت، بەربەستەكانی بەردەم ئەو كابینەیە بابەت گەلێك بوون وەك ڤایرۆسی كۆرۆنا و قەیرانی دارایی و نەدانی شایستە داریەكانی هەرێمی كوردستان لەلایەن حكومەتی عێراق و كەلەكە بوونی قەرزێكی دەرەكی لەسەر حكوومەت و شەڕی داعش..هتد، جگەلە چەند ئاستەنگێكی دیكەی حزب و لایەنەكان”.
هەرێمی كوردستان لەئیستادا لە دۆخێكی جیاوزتر دایە بە بەراورد لەگەڵ دەسپێكی كابینەكە، ئەم حكوومەتە بە بەرنامەیێكی جیاوازتر و تایبەت كاردەكات گۆڕانكاریەكانیش ئومێد بەخشن بۆ هاووڵاتییان، تەنها ئەوەی ماوە كە هاووڵاتییان چاویان لەسەرە ئەوەیە ئەو جیاوازیانەی كە پێشتر هەبوون كۆتایان پێ بهێنرێت و دادپەروەری سەرهەڵبدات و بەرژەوندی تاك بەتاكی كۆمەڵگە لەبەرچاو بگرێت، لەگەڵ ئەوەشدا هاووڵاتییان گەشبینن و رۆژ لەدوای رۆژ خواستەكانیان زیاتر بەدی دێت.
هەنگاوەكانی ئەو كابینەیە لەهەموو سێكتەرەكانی ژیان رەنگدانەوەی هەبووە وەك بوارەكانی پەروەردە و تەندروستی و دارایی و ئابوری سەربازی و خزمەتگوزاریەكانی تری ڕێگا و بان و كارەبا و ئاو و ئاوەڕۆ، جگە لەوەش هەڵی كاری رەخساندووە بۆ لاوان بۆ ئەوەی ببنە خاون پیشەیەكی پێشكەوتوو جێگای پەنجەیان دیاربێت لە هێنانە كایەی بوارە جۆراو جۆرەكان، كابینەی دەسكەوت و شەفافیەت جێگای خۆی پێكاو زۆربەی ئەو گۆڕانكاریانەی كردوە، كەلە بەرژەوەندی تاك و تەواوی كۆمەڵگەدا بووە، هاووڵاتیش پێویستە خاڵی وەرچەرخانی ئەو كابینەیە بێت و یارمەتی دەر و رێنماكاربێت لە دەرچوونی یاساكان و بڕیارە گەورەكان.
