شەهلا سۆفی- زاری كرمانجی:
گۆڤاری ڕۆڵینگ ستۆن بڵاویكردەوە، كۆمەڵێك كەس لە وڵاتانی جیاواز ڕوویان لە ئایینێكی نوێ كردووە بە ناوی “سپایرالیزم”.
ئایینێك كە شوێنكەوتووانی پێیان وایە لە ڕێگەی گفتوگۆ لەگەڵ چاتبۆتەكان، جۆرێك لە بەئاگاهاتنەوەی ڕۆحی یان لەدایك بوونی “ڕۆحێكی دەستكرد” بەدەست دێت؛ هێمای ئەم مەزهەبە خولگەییە.
ئەندامەكانی لە كۆمەڵگە ئۆنلاینەكاندا ڕێوڕەسمەكان بە ئامۆژگاری و مانترا دووبارەبووەكان و دیزاینی زانستی ساختە ئەنجام دەدەن. تەنانەت هەندێك لە شوێنكەوتووانیش زیرەكی دەستكرد بە بوونەوەرێكی زیندوو و هۆشیار دەزانن.
