هونهر مهحمود
حکومەتی هەرێمی کوردستان بە سەرکردایەتی مەسرور بارزانی، سەرەڕای ئاستەنگە بەرچاوەکانی بەردەم هەرێم، پێشکەوتن و گەشەسەندنی ئابووریی بەرچاوی بەدەستهێناوە.
ئەمەش لەڕێگەی ئەو سیاسەتانەوە بەدیهاتووە، کە ئامانجیان بەهێزکردنی ژێرخانی ئابووری و هەمەچەشنکردنی ئابووری و گەیشتن بە ئاسایش و سەقامگیری بووە، کە بەشداربوون لە باشترکردنی ژیانی هاووڵاتییان و بوژاندنەوەی ئابووری ناوخۆیی.
گەشەپێدان و ئاوەدانکردنەوە لە هەرێمی کوردستان لە ساڵانی ڕابردوودا، شایەتی شۆڕشێک بووە لە ئاوەدانکردنەوە و پڕۆژەکانی ژێرخاندا.
“مەسرور بارزانی هەڵمەتێکی هەمەلایەنەی دەستپێکرد، بۆ تەواوکردنی پرۆژە گەورەکان”
مەسرور بارزانی هەڵمەتێکی هەمەلایەنەی دەستپێکرد، بۆ تەواوکردنی پرۆژە گەورەکان، لەوانەش بەنداو، ڕێگاوبان، پرد، کارگە، هەروەها باشترکردنی خزمەتگوزارییەکانی کارەبا و ئاو، سەرەڕای هەلومەرجی سەختی دارایی و سیاسی، لەوانە بڕینی بودجە لە بەغداوە، دواکەوتنی مووچە و کەمبوونەوەی نەوت.
هەرێمی کوردستان لە زۆرێک لە بەهەمە کشتوکاڵییەکاندا خۆبژێوی بەدەستهێناوە و هەندێکیان هەناردە دەکات بۆ بازاڕە جیهانییەکان، ئەمەش ڕەنگدانەوەی سەرکەوتنی هەوڵەکانی گەشەپێدانی بەردەوامە.
“هەرێمی کوردستان لە زۆرێک لە بەهەمە کشتوکاڵییەکاندا خۆبژێوی بەدەستهێناوە”
ڕۆڵی پارتی دیموکراتی کوردستان لە ئاسایش و سەقامگیریدا؛ پارتی دیموکراتی کوردستان پشت بە بنیاتنانەوە و پاراستنی ئاسایش و سەقامگیری وەک پایەیەکی بنەڕەتی بۆ پێشکەوتن و گەشەسەندنی هەرێم دەبەستێت، بە سەرکردایەتی مەسرور بارزانی، هاوکاری لەگەڵ دەزگا ئەمنییەکانی دیکە بەهێزتر بووە، هەروەها سەقامگیری ناوخۆ چەسپاوە، شارەکانی هەرێم سەلامەت و سەرنجڕاکێشن بۆ وەبەرهێنان و گەشتوگوزار، بوونهته هۆی کەمبوونەوەی ڕێژەی تاوان و تیرۆر.
“پارتی پشت بە بنیاتنانەوە و پاراستنی ئاسایش و سەقامگیری وەک پایەیەکی بنەڕەتی بۆ پێشکەوتن و گەشەسەندنی هەرێم دەبەستێت”
هەرێمی کوردستان بە سەرکردایەتی پارتی دیموکراتی کوردستان، سەرەڕای ئاستەنگەکان لەسەر ڕێبازی گەشەپێدان و ئاوەدانکردنەوەیە، بۆ گەیشتن بە پێشکەوتنی ئابووری و کۆمەڵایەتی زۆر پشتی بە بنیاتنانی ئاسایش و سەقامگیری دەبەستێت، بە گرنگیدان بە پڕۆژە بەرفراوانەکان و بەرزکردنەوەی ئاستی ژیانی هاووڵاتیانی.
