جبار عبداللە مهاجیر
چەند ڕۆژێک ماوە هەڵبژاردنی خولی شەشەمی پەڕلەمانی عیراق دەست پێ دەکات، پارتی دیموکراتی کوردستان وەکو حزبێکی کاریگەر لەناو پڕۆسەی سیاسی هەرێمی کوردستان و عیراق جیاواز لەهەڵبژاردنەکانی پێشوو بەشداری لەو هەڵبژاردنە دەکات، ئەو جیاوازەیەی پارتی لەبانگەشەی هەڵبژاردن پەیڕەو دەکات ئەو پڕۆژانەن لەماوەی کابینەی مەسرور بارزانی بەئەنجام گەیشتوون، لە ئێستاشدا لەهەر شارو شارۆچکەیەک پارتی بانگەشەی تیادا بکات چەندین پڕۆژەی ستراتیجی گرنگ بەڕووی هاووڵاتیاندا دەکاتەوە، لەپاڵ کردنەوەی ئەو پڕۆژە گرنگانە بەردی بناغەی چەندین پڕۆژەی تر دادەنرێت بە بەڵێنی زۆرەوە جێ بەجێیان دەکات.
ئەمەش بۆتە پاڵنەری بەهێزتر بوونی پارتی لەهەرێمی کوردستان و عیراق بەگشتی، دوای ئازاد بوونی کوردستان پارتی یەکەم لایەنی سیاسی بوو بڕوای بەدیموکراسیەت هەبوو، بۆیە سندوقەکانی دەنگدانی کردە ڕێگایەک بۆ پیشاندانی سیاسەتی حکیمانەی خۆی بەڕووی هاونشتیمانیان و وڵاتانی ئەقلیمی و جیهانی، ئیستاش دیموکراسیەت و ئاوەدانی و ژیانی پێکەوەیی کردۆتە بناغەی کارەکانی لەئایندەدا لەسەر هەمان بیروبۆچوونی خۆی کاردەکات و ناچێتە ژێر باری ئەجندایێکی نێوخۆیی و دەرکی کەبەرژەوەندی گەلەکەی تیادا نەبێت، جەماوەری ئەو حزبە ڕۆژ دوای ڕۆژ زیاترو زیاتر دەبێت و لاوانی تازە بەشدار لەو پڕۆسەیە ڕیزەکانی پارتیان هەڵبژاردووە، چونکە پێیان وایە پارتی چۆن لەڕابردوو شەڕی بۆ ئازادی کوردستان کرد ئاواش بەرگری لەو ئازادیە دەکات و مافەکانیان دەپارێزێت،.
گرنگە بۆ هەرێم و ناوچە كوردستانییەكان، پارتی زۆرترین دەنگی هەڵبژاردنی ئەمجارە بەدەست بهێنێت و ببێتە براوەی یەکەم، براوەبوونی پارتی واتا گەشانەوەی کوردستان و پێشکەوتنی بەرچاو لەداهاتوو دەبینین لەسەر دەستی پارتی دیموکراتی کوردستان، یەکەم بوونی پارتی سودی بۆ گشت پێکهاتەکانی عیراق هەیە چونکە جگە لەپارتی هیچ لایەنێک تاکو ئیستا لەخەمی پێکهاتەکانی تردا نەبووە، پارتی لەئایندە پلانێکی درێژخایەنی هەیە بۆ گەشەپێدانی گشت بوارەکانی ژیانی هاووڵاتییان و دەوڵەمەندکردنی ژێرخانی ئابووری، پێگەی کوردستان لەڕۆژهەڵاتی ناوەڕاست لەسەر دەستی پارتی پەرەسەندنێکی زۆری بەخۆوە بینیووە بۆیە بۆتە ناوندێکی گرنگ بۆ ئەو هاووڵاتیلنەی سەردانی دەکەن و لێی دەمێنەوە.
لەکۆتایی داواکارم لەهاووڵاتییانی نشتیمانپەروەرو خاون هەڵوێست دەنگی خۆیان بخەنە پاڵ دەنگی سەرۆک بارزانی کەگشت تەمەنی خۆی لەپێناو ئازادی بۆ کوردو کوردستان بەخشیووە، بۆئەوەی ئایندەی کوردستان بەرەو پێشەوە بچێت و کوردستان بەردەوام لەگەشانەوەی زیاتردابێت.
