پێنجەمین فێستیڤاڵی كانگ فۆ توا لە سۆران ساز دەكرێت

خەبات خەلیل ـ زاری كرمانجی:

مانگی ئەیلول جارێكی دیكە و هاوشێوەی ساڵانی رابردوو ئیدارەی سۆران دەخرۆشێت بەوەی فێستیڤاڵێكی گەورەی كانگ فۆ توا لەباوەش دەگرێت.
رێكخراوی كانگ فۆ توای كوردستان ساڵانە بەبەشداری وڵاتانی بیانی پاڵەوانێتی جۆراوجۆر رێكدەخات، چاوی تەماشاكاران و ئارەزوومەندانی ئەو یارییانە بە ناساندنی پاڵەوانی نوێ‌ راكێشی ئاڵنگارییەكانینێو ڕینگ دەكات.
باڵاترین دەست لە مانەوە و پێشڤەچوونی هونەرە جەنگییەكان بەشێوەیەكی گشتیی و كانگ فۆ توا بەتایبەتی جەبار بابیەزدین ڕەسول ـە، ئەو سەرۆكی ڕێكخراوی كانگ فۆ توای كوردستانە و روونكردنەوە لەبارەی سەركێشی و ركابەری ئایندە دەخاتەروو.
جەبار بەزاری كرمانجی گوت”: بەتامەزرۆییەوە خۆتان سازدەن 27 بۆ 28 مانگی 9 هەڵدەستین بەكارو چاڵاكی ڕێكخراوەكەمان كە هەموو ساڵێك فێستیڤاڵێك لەشاری سۆران سازدەكەین ئەم ساڵیش بۆجاری پێنجەم فێستیڤاڵەكە ڕێك دەخەین، بەڵام لەجارانی پێشووتر جیاوازترە. یاریزانانی بەژداربوو ئەوانەی خاوەنی دوو پشتێن بۆسەرەوە لەسەر نیشانی پاڵەوانی پاڵەوانان یاری دەكەن . یاریزانانی هەڵگری میدالیای زێڕین گەرهەردووكیان خاوەن میدالیا زێڕین بن پێشبڕكێ دەكەن بۆ پشتێن. بەڵام یەكیان هەیبێت و ئەوی تر نەیبێت ئەوا تەنها بۆ میدالیا یاریی دەكەن.
یاریزانانی تری هەڵگری میدالیای زیوین ئەوانە بۆ میدالیای زێڕین یاری دەكەن، یارییەكانی ئەم جارەمان لەسەر دوو ستایل دەبێت ئەوانیش مایانا و باز مایانا. ماییانا واتا كەی وەن k1 باز مایانا واتا mma كە ئازادەو سەربەستە.”
سەرۆكی كانگ فۆ توای كوردستان، درێژەی پێدا” ئەم ساڵ جیاواز لەساڵانی رابردوو بەخۆشحاڵییەوە كارمان لەسەر بەرەو پێش چوونی دەستەی دادوەری یارییەكە كردووە، چونكە پێشووتر یاریزانان گلەییان لەو لایەنە هەبووە.”
گوتیشی:” ئێستا سۆران خاوەنی چەندین پاڵەوانە و هیوادەخوازم خەڵكی سۆران پشتگیری لە پاڵەوانانی خۆیان بكەن وە هانیان بدەن بۆ لەبەرگرتنەوەی خەڵاتەكان لەلایەن پاڵەوانانی شارەكەیان.”
راستی محەممەد، ئەو پاڵەوانەی زۆرترین ئارەزوومەند و تەماشەكار هیوای لەسەر هەڵچنیوە، تا لەم پاڵەوانێتیەش بەپشدوێنی زێڕینەوە بەنێو رینگدا جۆش بدات و بەهاوار و فیكەی لایەنگرانی گەرمتر ئاهەنگی سەركەوتن بگیڕێت. ئەو لەئێستادا سەرگەرمی ئامادەسازییە بۆ ئەو پاڵەوانێتییە و قسە بۆ زاری كرمانجی دەكات:” بەسەختی مەشق و ڕاهێنانەكانم ئەنجام داوە بۆ ئەوەی نازناوی پاڵەوان وەرگرم و پشتێنی پاڵەوانی زیاتر بكەم. مەبەستمە جارێكی دیكە لەسەر سەكۆی دەسكەوتەكان خۆم ببینمەوە و ببمە جێی شانازی دەڤەرەكەم.”
ئاشتی نەجات، كە خاوەنی هۆڵە و لەجارانی پێشوو خۆیو قوتابییەكانی هۆڵەكەی بەژداری ئەم فێستیڤاڵانەی كانگ فۆ توای كردوە، گوتی:” زۆر حەزەكەم گەنجانی شاری سۆران ببن بە پاڵەوان، ناو دەربكەن لەهەموو عێراق و كوردستان بەگشتی ڕۆژانە ڕاهێنان بەفێرخوازان دەكەم وەبەرەو پێشچوونی بەرچاویان بەخۆیانەوە بینەوە بۆیە ئەم ساڵە منیش فێرخواز نوێ و كۆن بەژداری ئەم فێستیڤاڵە دەبین.”
بڕیارە فێستیڤاڵی ئەمجارە جیاوازتر بێ لەهەموو ئەوانەی لە ساڵانی رابردوو ئەنجامدراون و ژمارەی یاریزانە بیانییەكانیش زۆر زیاتر بێت.