نرخی نەوت لە بازاڕەكانی ئیدارەی سۆران دابەزی

پشتیوان كەریم – زاری كرمانجی :

نەوت فرۆشێكی سەنتەری قەزای ناوەندی سۆران، باس لەوە دەكات ماوەی دوو رۆژە لە بازاڕەكانی ئیدارەی سۆران نرخی نەوت دابەزیووە .
مەغدید ئۆمەراوەی نەوت فرۆش بە زاری كرمانجی راگەیاند:” لە ئێستادا نرخی یەك بەرمیل نەوتی بەسڕە لە 270 هەزار دینارەوە بووەتە 260 هەزار دینار، هەروەها نرخی نەوتی موسڵ بە 260 هەزار دینار و كەورگۆسك یش بە 250 هەزار دینار دەفرۆشرێت، هاوكات نرخی یەك لتر نەوت 1200 دینارە لە بازاڕەكاندا.”
مەغدید ئۆمەراوەی ئاشكراشیكرد:” ماوەی دوو رۆژە بەهای نەوت رووی لە دابەزین كردووەو بەراورد بە هەفتەی رابردوو بڕی 15 تا 20 هەزار دینار نرخەكەی دابەزیووە.”