تەها مەهدی
چەمكی هەڵبژرادن لە سیستەمی هەموو ووڵاتان بایەخی تایبەتی هەیە، چونكە هەڵبژاردن پێوەرێكە بۆ بنەماكانی دیموكراسی و هۆكارێكە بۆ ئاڵوگۆڕكردنی دەسەڵات و شەرعیەت دان بە ووڵات، بۆ هەڵبژاردنی ئەنجومەنی نوێنەرانی عێراق، پێویستە لەسەر هەموو كوردێكی دڵسۆز، بەیەك دەست و بەیەك روح هەنگاو بنێن بۆ سەرخستنی لیستی (275) پارتی دیموكراتی كوردستان.
هەموومان دەبێت هەوڵ بدەین بۆ سەرخستنی ئەم لیستە، چونكە لیستی بەرگری كردنە لە مافە دەستورییەكانی گەلی كورد، لیستی خۆنەچەماندنە بەرامبەر دوژمنان و نەیاران و خۆفرۆشەكان ئەوانەی چاویان بە پێشكەوتن و سەركەوتنەكانی كوردستانە هەڵنایەت، ئەم لیستە لیستی خزمەتگوزاری و ئاوەدانیە، لیستی شەهیدان و لیستی پێشمەرگە قارەمانەكان و لیستی جەناب و رابەری گەلی كورد سەرۆك مسعود بارزانیە.
دەبێت بە ڕۆح و گیان كار بكەین بۆ سەركەوتنی لیستی پارتیمان، لیستی هێشتنەوەی ناسنامەی نەتەوەی كورد بەزیندوویی و لیستی ڕیفراندۆم و دەوڵەت سازییە، بۆ ئەوەی كەڕامەتی كورد بوونمان پارێزراو بێت و تا هەمیشە كوردستان ئارام و سەقامگیر بێت.
بەشداری هەڵبژاڕدن بكەن و دەنگ بە لیستی (275)ی پارتیمان بدەن هەڵبژاردنی پەرلەمانی عێراق پێویستی بە نوێنەری راستەقینەی گەل هەیە، هەڵبژاردنی نوێنەری ڕاستەقینەی گەل پێویستی بە وردی و بیركردنەوەی زۆر هەیە تائەوكاتەی پارتی دیموكراتی كوردستان، دێتە نێو هاوكێشەكە هیچ هێز و لایەنێك ناتوانێت لە منافەسەی خزمەتكردنی گەل و نیشتیمان لە پێش پارتیمان بداتەوە، بەو پەڕی باوەڕەوە حزبی كوردستانیان و خاك و نیشتیمانە.
نابێت لە بیری بكەن كە دەنگدان بە لیستی پارتی دیموكراتی كوردستان، تەنیا بەشداری هەڵبژاردن نییە بەڵكوو نوێكردنەوەی پەیمانێكە لەگەڵ خاكێك كە بە خوێنی شەهیدان ئاوی پێدراوە و پەیامی دڵسۆزییە بۆ میللەتێكە، چەندان سەدەیە خەبات دەكات و تێدەكۆشێت بۆ بەدەست هێنانی مافە دەسورییەكانی هەرێمی كوردستان، ئەو لیستە ئەو قەڵغانەیە كە ئێستامان دەپارێزێت و ئەو هیوایەی داهاتوومان روناك ترو خۆش گوزەران تردەكات.
لە كۆتایدا سەركەووتن بۆ لیستی (275)ی پارتیمان و لیستی ئارامی و ئاوەدانی و لیستی خۆش گوزەرانی تاكەكانی كۆمەلگەیە، بە دەنگی خۆت مێژوویەكی نوێ دەنووسیت و دووپاتی دەكەیتەوە كە كوردستان ئازاد و بەهێز و یەكگرتوو دەمێنێتەوە.
