ماڵپهرى (بغداد الیوم) كه یهكێكه له میدیا سیاسییهكانى عێراق، راپۆرتێكی لهبارهى پرسیارەكەی مەسرور بارزانی، كه (پاره و داهاتى عێراق له كوێیه؟) بڵاوكردووهتهوه.
ماڵپەڕەكە ئاماژەی بە وتەیەكی ئەم دواییەی مەسرور بارزانی، جێگری سەرۆكی پارتی دیموكراتی كوردستان كردووە كە لە كەرنەڤاڵی بانگەشەی هەڵبژاردنی پارتی لە ئامێدی كرد و رایگەیاند: ”زۆرێک لە خەڵکی ناوەڕاست و خواروو دێن بۆ لای ئێمە و دەڵێن ئێمە بەدەست قەیرانی خزمەتگوزارییە سەرەتاییەکانی وەکوو ئاو و کارەبا و شەقام و نەخۆشخانە و قوتابخانە و خزمەتگوزاری دیکە دەناڵێنین”، هەروەها پرسیاری کرد: “پارەی عێراق بۆ کوێ دەڕوات؟ بۆچی بۆ پارێزگاکانی عێراق خەرج ناکرێت؟ ئەگەر ئەم پارەیە نایەت بۆ هەرێمی كوردستان یان پارێزگاکانی دیکە، ئەی بۆ کوێ دەڕوات؟”.
هەروەك ماڵپەڕەكە ئەوەی خستووەتەڕوو كە حكومەتی فیدرالی لە بەغدا، سامانی وڵاتەكەی قۆرخ کردووە، بەڵام لە دابەشکردنیدا سەرکەوتوو نییە، ”بۆیە ئەم گوتارە لەگەڵ ئەو بنەمایەدا یەک دەگرێتەوە کە پارتی دیموکراتی کوردستان ساڵانێکە بەرگری لێ دەکات، ئەوەی کە لامەرکەزییەت تەنیا خۆشگوزەرانییەکی کارگێڕی نییە، بەڵکو میکانیزمێکە بۆ رزگارکردنی دەوڵەت لە گەندەڵی دامەزراوەیی کە کەڵەکە بووە.“
بهپێی راپۆرتهكه، شارەزایانی بواری بەڕێوەبردن و سیاسەتە گشتییەکان، پێیان وایە گوتاری کوردی نوێ مەیلی ئەوەی هەیە ئەزموونی کوردستان وەک سەرچاوەیەک بۆ سەرکەوتنی پلاندانانی ناوخۆیی پێشکەش بکات، دوای ئەوەی حکومەتەکانی بەغدا شکستیان لە بەڕێوەبردنی پاره و سامانى دهوڵهتدا سەلماند، سەرەڕای زۆرییەکەی.
ماڵپهرهكه له راپۆرتهكهیدا جهخت دهكاتهوه كه گوتارهكهى مهسرور بارزانى، بەو مانایە دێت، گوتاری کوردی تەنیا لە دەوری مافەکانی هەرێمی كوردستان ناگەڕێت، بەڵکو لە دەوری “مافی عێراقییەکان لە بەڕێوەبردنێکی دادپەروەرانەی سامان” دەسووڕێتەوە.
ئەمەش وەرچەرخانێکی گرنگە، چونکە مەودای سیاسی هەرێمی كوردستان لە بەرگریکردن لە بەرژەوەندییەکانیەوە دەگوازێتەوە بۆ داواکردنی چاکسازی لە سیستەمی دارایی هەموو دەوڵەتدا، بە پشتبەستن بە بەڵگەنامە هەرە دیارەکەی: ئەوەی کە بەڕێوەبردنی باش و تۆكمه سەلماندوویەتی، توانای بنیاتنانی هەیە تەنانەت بەبێ پشتگیری دارایی فیدراڵیش، بەپێی قسەی چاودێران.
