زاری کرمانجی :
وەزارەتی ناوخۆی حکومەتی هەرێمی کوردستان، ڕایدەگەیێنێت، لەسەر ڕاسپاردەی ڕێزدار جەنابی سەرۆک وەزیران مەسرور بارزانی تایبەت بە هێنانەوەی ئەو گەنجانەی لە وڵاتی لیبیا گیریان خواردووە، خانەوادە بەڕێزەکانیان دڵنیادەکەینەوە کە هەر لەسەرەتای باروودۆخەکەوە تیمێکی تایبەت لەوەزارەتە پەیوەندیدارەکانی حکومەتی هەرێمی کوردستان بەتایبەت هەردوو وەزارەتی ناوخۆ و فەرمانگەی پەیوەندیەکانی دەرەوە، ڕاسپێردراون بۆ تەواوکردنی سەرجەم ڕێکارەکانی ڕزگارکردنیان لە وڵاتی لیبیا و گەیاندنەوەیان بەسەلامەتی بۆ هەرێمی کوردستان.
وەزارەتی ناوخۆی حکومەتی هەرێمی کوردستان، لە ڕاگەیێندراوێکدا، ئاماژەی بەوەداوە، خانەوادەی ئەو هاونیشتیمانیانەی کە لە وڵاتی لیبیا گیریان خواردووە دڵنیادەکەینەوە کە لەماوەی هەفتەیەکدا پشتیوان بە خوا ڕێکارە پێویستەکان تەواودەبن و ئەو گەنجانە دەگەنەوە هەرێمی کوردستان.
وەزارەتی ناوخۆ، داواش له دەزگاکانی ڕاگەیاندن دەکات کە نەبنە هۆکاری بریندارکردنی هەستی خانەوادەی بەڕێزی ئەو هاونیشتیمانیانە و هەواڵی بێ بنەماو دوور لە ڕاستی بڵاونەکەنەوە.
