حەمید هایس: بەشی زۆری كاندیدەكان ئالوودەی ماددە هۆشبەرەكانن

مەهدی محەممەد – زاری كرمانجی :

كاندیدێكی دوورخراوی لیستی هاوپەیمانی دەوڵەتی یاسا ڕایدەگەیەنێت كە 60 % كاندیدەكان بۆ هەڵبژاردنی پەرلەمانی عێراق ئالوودەی ماددە هۆشبەرەكانن و دەشڵێت “پێویستە پشكنینیان بۆ بكرێت.”
حەمید هایس، كاندیدی لیستی هاوپەیمانی دەوڵەتی یاسا بە سەرۆكایەتی نووری مالیكی، لە هەڤپەیڤینێكی لەگەڵ كەناڵی نەهرەین ئاشكرای دەكات كە ڕێژەیەكی زۆری كاندیدەكان بە پیاو و ژنەوە ئالوودەی مادە هۆشبەرەكانن و دەڵێت “پێشتر داوام كردووە و ئێستاش دووبارەی دەكەمەوە، پێویستە پشكنین بۆ كاندیدەكان بكرێت،”
حەمید هایس، كە هاوكات سەرۆكی ئەنجوومەنی ڕزگاری ئەنبارە، لە لایەن كۆمیسیۆنی هەڵبژاردنەكانی عێراق لە 9ـى تشرینی یەكەمی 2025، دوور خراوەتەوە و ئاماژە بەوە دەكات “ئەنجوومەنی كۆمیسیاران بڕیاری داوە دووبارە بگەڕێمەوە نێو كێبڕكێی هەڵبژاردنەكانی پەرلەمانی عێراق.”