لە کابینەی نۆیەمی حکوومەتی هەرێمی کوردستان لە پێناو مسۆگەرکردنی ئاسایشی ئاو، دەیان بەنداو و پۆند و پرۆژەی ئاوو ئاوەڕۆ دروست کراون كە تەنیا بۆ نۆ بەنداو265 ملیار دینار خەرجكراوە.
حکوومەتی هەرێمی کوردستان، بڵاوی كردەوە، تاوەکوو ئێستا ئەو پۆندانەی بۆ کشتوکاڵ و ئاژەڵداری و ئاوی ژێر زەوی دروست کردووە ژمارەیان 23 پۆندە، هەروەها 58 پۆندیش لە جێبەجێکردندان.
ئاشكرای كردووە 9 بەنداو بە گوژمەی 265.7 ملیار دینار دروستکراون و هەموویان توانای گلدانەوەی 252.8 ملیۆن مەترسێجا ئاویان هەیە.
وردەکاریی بەنداوەكان بەمشێوەیە :
• دوین: 88 ملیار دینار، 100 ملیۆن مەترسێجا ئاو
• گۆمەسپان: 95 ملیار دینار، 97 ملیۆن مەترسێجا ئاو
• دێوانە: 26.6 ملیار دینار، 21 ملیۆن مەترسێجا ئاو
• بەستۆڕە: 23 ملیار دینار، 20 ملیۆن مەترسێجا ئاو
• خنس: 9.6 ملیار دینار، 7 ملیۆن مەترسێجا ئاو
• ئاقوبان: 8.1 ملیار دینار، 2.6 ملیۆن مەترسێجا ئاو
• توڕەجار: 5.8 ملیار دینار، 2 ملیۆن مەترسێجا ئاو
• شەوگێڕ: 5.6 ملیار دینار، 2 ملیۆن مەترسێجا ئاو
• چەمرگە: 4.4 ملیار دینار،1.2 ملیۆن مەترسێجا ئاو
ئەوەشی خستووەتە ڕوو، ئاماری پۆندەکان پێش کابینەی نۆیەم97 پۆندبووە. هەروەها پۆندە دروستکراوەکانیش لە کابینەی نۆیەم 23 پۆندە و ئەو پۆندانەشی لە جێبەجێکردندان 58 پۆندن.
حکوومەتی هەرێمی کوردستان : 265 ملیار دینار بۆ 9 بەنداو خەرج كراوە
