نوسین و ئامادەكردنی : كرێكار قادر ڕوستایی
چەندین بەرهەمی جۆراو جۆر لە شێوەی كەپسول یا پاودەر بۆ دابەزاندنی كێشی لەش یان قەڵەوكردنی جەستە بەتایبەتیش بۆ قەڵەوكردنی ڕووخسار (دەم و چاو)بەكاری دەهێنرێن، ئەو جۆرە بەناو دەرمانە گیاییانەی كە هەندێ ماددەی كیماویی زۆر مەترسیدار و قەدەغەكراویان تێدایە، بۆ مەبەستی خێرا دابەزاندنی كێشی لەش یا قەڵەوكردنی لەش بەكاردێن، وەك:
۱ سیبوتڕامینSibutramine ۲-فینۆڵفتالین_Phenolphthaline ۳-دایئەتیلپڕۆپیۆن_Diathylpropion ٤-دایمەتیل ئەمیل ئەمین_DMAA ٥-فینفلۆڕامین و دێكسفینفلۆڕامین _Fenfluramine & Dexfenfluramine دەرمانەكانی (فینفلۆڕامین و دێكسفینفلۆڕامین _Fenfluramine & Dexfenluramin) بەهۆی خراپی پڕۆفایلی سەلامەتییان كە دەبنە هۆی تێكشكاندنی زمانەكانی دڵ (Heart valve damage) لە ساڵی ۱۹۹۰ لە بازاڕی دەرمان كشێندرانەوە، ماددەی سیبوتڕامین دەبێتە هۆی نەخۆشییەكانی دڵ و تێكدانی باری دەروونیی بەكارهێنەر، لە ساڵی ۲۰۱۰ ەوە قەدەغەكراوە. ماددەی فینۆڵفتالین دەبێتەهۆی شێرپەنجە، لە ساڵی ۱۹۹۷ ەوە قەدەغەكراوە بۆ مرۆڤ بەكاربهێنرێت. نموونەی ئەو بەرهەمانەی كە ماددەی مەترسیداریان تێدایە، وەك; ۱. باسچی_Baschi ۲. ئەیبی سلیم – AB- SLIM ۳. ئەدیۆس – Adios بەگووتەی (جلال كەریم) دەرچووی بایلۆجیە و شارەزایەكی بواری گیادەرمانییە و ماوەی 10 ساڵە لەو بوارەدا كاردەكات، وتەبێژی (كۆمەڵەی ڕووكناسانی كوردستان)ە دەڵێ : ئێمە وەك كۆمەڵەی ڕووكناسانی كوردستان ئامانجمان بریتیە لە زیندوكردنەوە و گەشەپێدان و پاشان ڕێكخستینی پیشەی پیشەوەرانی كوردەواری، بەتایبەتیش گیایی دەرمانی، ئەوەی ئەم بابەتە بریتیە لەناسینەوەی دەرمانە قاچاغەكان،كەبەناوی گیادەرمانی دەفرۆشرێن،لەدونیای دەرمانسازیدا، دەرمان لەچەند سەرچاوەیەكەوە دروست دەكرێن( كانزایی ئاژەڵی _ ڕووەكی) ئەوەی كە ئێمە مەبەستمانە و كاری لەسەر دەكەین گرینگی پێدەدەین، بریتیە لە دروستكردنی دەرمان لە ڕووەكی پزیشكیی و گژوگیا سروشتیەكان.
بەڵام بەداخەوە لەوڵاتی ئێمە و هەندێ وڵاتی دەورووبەر چەندین جۆر بەرهەمی نایاسایی بوونیان هەیە و بەناوی گیادەرمانی دەفرۆشێن و لەبنەڕەتدا ماددەی كیمیاوی و زیانبەخش و مەترسیدارن بۆ سەر تەندروستی هاوڵاتیان، وە باس لەهەندێ بەرهەمی تری زیانبەخش و مەترسیدار دەكەین بۆ بەرچاو ڕونی هاوڵاتیان كە بریتین لەم جۆرە بەرهەمانە كەوا كۆمەڵەی ڕووەكناسانی كوردستان چەندین ساڵە هۆشداری دەدات و دژایەتی كردووە بەشێك لەو دەرمانە كیمیاوی و مەترسیدارانەی بەناوی گیاییەوە دەفرۆشرێن و گیایی و سروشتی نین هەریەكە لە حكومەتی هەرێم، وەزارەتی تەندروستی و كۆمەڵەی ڕووەكناسان قەدەغەیان كردووە، وەك :
Vip بۆ كێش دابەزین
تینواتی tenuate
Gallexy گالاكسی
جاگوار ـJAGUAR
فات فەیس FAT FACE
فات فاست FAT FAST
هیمالایا HIMALAYA
اكسیر EXIR
جی فاست G FAST
بی فاست B FAST
افلاتۆن AFLATO
الوفێرا ALOE VRA
جامبۆ JAMBOO
بوتوكس BOTOX
دولفین DOLPHIN
سێفن ستار 7ST
پوما PUMA Bom sleming سیلیمینگ slimming
ڤی توو V 2
ڤی شەش V 6
ئەی بی سلیم AB SLIM
ئاكتیڤ سلیم ACTIVE SLIM ادیوس ADIOS
گەین ئەپ GAIN UP
Beerline
ئەم جۆرە دەرمانانە لەژێر ناوی دەرمانەكانی (قەڵەوی، لاوازی سێكسی، گەورەكردنی سمت و ڕان، گەورەكردنی سینگ و مەمك، گەورەكردنی زەكەر….هتد). ئەم جۆرە دەرمانانە مەترسی زۆریان هەیە لەسەر تەندروستی هاولاتیان بەتایبەت بۆ توشبوون بە (نەزۆكی، شێرپەنجە، سستی گورچیلە، نەخۆشیەكانی دڵ و نەخۆشی جگەر).
وەزارەتی تەندروستی حكومەتی هەرێم و كوالێتی كۆنتڕۆڵ هۆشداری دەدەن و قەدەغەی دەكەن و ئاماژەیان داوە بە زیانبەخشی و مەترسیەكانی ئەم جۆرە دەرمانەو بەرهەمانەی بەناوی گیادەرمانی هاوردەی هەرێمی كوردستان دەكرێن مەترسیەكی زۆری هەیە لەسەر تەندروستی هاوڵاتیان وە دەبێت هاوڵاتیانیش لێیان دووركەونەوەو نەیكڕن، نابێت هیچ كەسێكیش مامەڵەی كڕین و فرۆشتن پێیانەوە بكات، چونكە لەبەرانبەردا تووشی لێپرسینەوە و سزای یاسایی دەبنەوە.
سەرچاوە سایتی كوالێتی كۆنترۆڵ KMCA
