سەرۆكی شارەوانی سۆران : ئەو هاووڵاتییانەی پێشتر پرۆژەیان لەسەر موڵكی شارەوانی دروست كردووە، خەمڵاندنی بۆ دەكرێت و بڕە پارەیەكی دیاری كراویان وەك كرێ لێ وەردەگیرێت
زاری كرمانجی- سۆران:
سەرۆكی شارەوانی سۆران، دەڵێت، تا ڕادەیەكی باش توانراوە ڕێگری لەو كەسانە بكرێت، كە زێدەڕۆیی دەكەنە سەر موڵكی شارەوانی، هەروەها چەندین كەس بەم هۆیەوە دراونەتە دادگا و ڕووبەڕووی یاسا كراونەتەوە.
كاوە نەجیم، سەرۆكی شارەوانی قەزای ناوەندی سۆران، بە زاری كرمانجی ڕاگەیاند:” تا ڕادەیەكی باش توانراوە ڕێگری لە زێدەڕۆیییەكان بگیرێت، ئەو كەسانەش كە زێدەڕۆیان كردووتە سەر موڵكی شارەوانی، بە دروستكردنی خانوو و دووكان و هەر جۆرە بینایەك وەیان پرۆژەیەكی دیكە بێت، سەرەتا ئاگادار دەكرێتەوە، ئەگەر خۆیان زێدەڕۆیییەكەیان لا نەبرد، سەرووی خۆمان و ئیدارەی قەزاكە ئاگادار دەكەینەوە و هەوڵی تێكدانی زێدەڕۆیەكە دەدرێت، ئەگەر لە كاتی هەڵگرتنی زێدەڕۆیەكەی ڕووبەڕووی لایەنە پەیوەندیدارەكان بوونەوە، دادوەر بڕیاری دەستگیركردنیان بۆ دەردەكات و لێپێچینەوەی یاساییان لەگەڵ دەكرێت، تا ئەو كاتەی خۆیان زێدەڕۆیییەكە هەڵدەگرن ئەو كات ئازاد دەكرێت”.
گووتیشی:” هەندێك لەو كەسانەی پرۆژەیان پێشتر لەسەر موڵكی شارەوانی دروست كردووە، دەبێت خەمڵاندنی بۆ بكرێت و بڕە پارەیەكی دیاری كراویان وەك ئیجار لێ وەر دەگیرێت، تەنانەت ئەوەی پێشووتریش لەو كاتەی پرۆژەكەی دروست كردووە، پارەكەی لەسەر هەژمار دەكرێت و دەبێت بگەڕێنێتەوە بۆ حكومەت”.
