هەر گۆشتفرۆشێك لە بەیانییەوە بە پیكاب گۆشت بۆ دوكانەكەی بگوازێتەوە سزا دەدرێت

زاری كرمانجی – سۆران:
ئۆتۆمبێلی تایبەت بۆ كوشتارگەی سۆران ئامادە كراوە و هەر گۆشتفرۆشێك لە بەیانییەوە بە پیكاب گۆشتەكەی بۆ دوكان بگوازێتەوە سزا دەدرێت.
سەرچاوەیەك لە لیژنەی ئابووری سۆران، بە ماڵپەڕی زاری كرمانجی رایگەیاند، دوای توندكردنی ئیجرائات لەلایەن لیژنەی ئابووری سۆران، كوشتارگەی سۆران ئۆتۆمبێلێكی بۆ گواستنەوەی گۆشت لە كوشتارگە بۆ گۆشتفرۆشەكان دابین كرد”.
سەرچاوەكە ئاماژە بەوەش دەكات:” بەیانی رۆژی دووشەممە 14-11-2022 ئۆتۆمبێلەكە دەكەوێتە كار و گۆشت لە كوشتارگە بۆ گۆشتفرۆشان دەگوازێتەوە، بۆیە هەر گۆشتفرۆشێك بە پیكاب گۆشتەكەی بۆ دوكان بگوازێتەوە ئیجرائاتی توند لەگەڵ خاوەنەكەی دەكرێت”.