رێبوار حەمەلاو شوانی
گەلی كورد؛ وەك نەتەوەیەكی ڕەسەن و خاوەن شوناس و مێژووییەكی دێرین خاوەن خەبات و بەرخودان و قوربانیدانە بۆ وەدیهێنانی مافەرەواكانی و بڕیاردان لە سەر چارەنووسی خۆی وەك هەموو گەل و نەتەوەكانی دیكەی ناوچەكە و دوونیا ، بەتایبەتی ئەم پارچەیەی كوردستان كە دوور لەویستی خۆی بە زۆر بە دەوڵەتێكی ساختە و بێ سەروەری و ستەمكاری و بێ شوناسی وەك عێراقەوە لكێنرا ؛ دەوڵەتێك هەر لەیەكەم هەنگاویدا دەستیكرد بە كۆمەڵكوژی و زیندەبەچاڵكردن و كیمیابارانكردن و ئەنفالی بەدناو كیمیاباران و تیرۆر و وێرانكردن و خاپووركردنی نزیكەی 5000 گوندی كوردستان و سەدان تاوانی دیكە .
بەگەڕانەوە بۆ لاپەرەكانی مێژوویی یەك سەدەی ڕژێمە یەك لەدوای یەكەكانی عێراق تا بە ئەمڕۆ ، ئەو زێهنیەتە حكوومڕانەی عێراق لە جیاتی ڕێگەی دیموكراسی و پێكەوەژیان و لۆژیك ، ئەوا بە سیاسەتی ئاگر و ئاسن و وەك كەلتوور و میراتێكی ستەمكارانە و ناشرین لەدوای خۆیان بە ئێستاشەوە بەجێهشتووە ؛ پێشێڵكاری و پاشگەزبوونەوە لە ڕێككەوتننامە و واژۆكانیان و ئینجا مافەرەواكانی گەلی كوردستان ئیتر چ لەسەر خاك بێت یان بودجە و مووچەی و جێبەجێنەكردن زیاتر لە پەنجاە مادددە و بڕگەی دەستووری تایبەت بە كوردستان ، بەڵگەیەكی روون و حاشاهەڵنەگرە بۆ درێژەپێدان بە تاوان و ستەمكاری و نكۆڵیكردن لە ماف و شوناس و زمانی و مێژووییەكی نەتەوەیەكی ڕەسەن لە سەر خاك و نیشتیمانی باب و باپیرانی لە ناو ئەو ستەمكاریی و كەشە بێ ئومێدییەی عێراقدا ، سەرۆك مسعود بارزانی ، وەك پێشمەرگە ، ڕابەری كارێزمای كورد و كوردستان ، لە رۆژی 25/9/2017 بڕیارێكی مێژوویی بۆ ڕێفراندۆمی سەربەخۆیی دا كە سەركەوتنێكی مەزنی بە دەنگدانی 92.7%دا بە ( بەڵێ ) بۆ سەربەخۆییدا . ئەم سەركەوتنە مێژووییە بۆ هەوڵ و تێكۆشانی ڕابەری گەلی كورد دەگەڕێتەوە ، كە بە درێژایی مێژوویی خەبات و تێكۆشانی بە باوەڕێكی بەهێز بەمافەرەوایی سەربەخۆیی كوردە هەبوو ،چونكە سەرۆك بارزانی باش دەیزانی چارەنووسی گەلی كورد لەگەڵ عێراقی دوێنی و ئەمڕۆ و سبەی بەو زێهنیەتە تاكڕەو و خۆسەپێنەرانە هەر لێكترازانە ، چونكە ڕیفراندۆم بە پێی هەموو یاسا نێودەوڵەتییەكان و بڕیاری نەتەوەیەكگرتووەكان مافێكی ڕەوا و ئاسایی هەموو گەل و نەتەوەكەكانە ، بەتایبەتی بۆ ئێمەی گەلی كورد ، كە سەد ساڵە بە ئێستاوە قوربانی دەستی ڕژێمە سەركوتكاری و ستەمكارەكانی عێراقین و كۆمەڵكوژ و جینۆسایدكراوین و هەوڵی سڕینەوەمان دراوە ، بەتایبەتی ئاستی متمانەی كوردستان و عێراق لە رابردوو و ئێستاشدا لە خراپترین دۆخدایە .
بەدڵنییاییەوە، ئەنجامدانی ڕێفراندۆمی سەربەخۆیی ، دووەم گەورە شۆڕشی گەلی كورد و پەیامێكی ڕەوا و روون بۆ دەسەڵاتدارانی عێراق لە دوای شۆڕشی مەزنی ئەیلوول ، دوای فشار و ستەمكارییەكی زۆری دەسەڵاتدارانی بەغدا دژی خەڵكی كوردستان هەر لە دروستكردنی قەیران و گەمارۆ و بڕینی ماف و شایستەداراییەكانی خەڵكی كوردستان ، بەوەی كە ئەگەر عێراق ئامادە نەبێ مافەكانی گەلی كوردستان بدات ؛ ئەوا گەلی كورد بڕیار لەسەر چارەنووسی خۆی دەدات .
بەڵێ ؛ گەلی كور بە ڕابەرایەتی سەرۆك بارزانی ، بە ئەنجامدان و سەركەوتنی ڕێفراندۆمی سەربەخۆیی،توانیی شۆڕشێكی مەزنی دیكە دژی ستەمكارییەكانی عێراق بەرپا بكات و پەیام و مافەرەواكانی بە شێوازێكی دیموكراسییانە و ئاشتیانە بگەێنێتە هەموو دوونیان بەوەی گەلی كورد چیتر ڕازی بە چەوساندنەوە و لەناوبردنی نابێت ، دژی سیاسەتی لەناوبردن و كیمیاباران و بەعەرەبكردنە و ئەو شەڕە دەروونی و ئابووری و داگیركارییە كە تا ئێستا درێژەی هەیە و تا ئێستاش نەدەستووریان جێبەجێكرد و نە باوەریشیان بە فیدڕاڵییەت و هاوبەشی و هاوسەنگی و سازان هەیە ؛ بۆیە هەموو سەبرێك و پشوودرێژییەك سنوورێكی هەیە ، گەلی كورد ، بەو فشار و قەیرانە دەستكرد و شەڕی ئیرادەیە نەك هەر لاواز نابێت بەڵكو ، هەشتی كوردپەوەری ونیشتیمانپەوەر ی زیاتر لە جاران بەهێزتر بووە ، ئەو رۆژەش نزیكە تا كو داوای جێبەجێكردنی ئەنجامی ڕیفراندۆمی سەربەخۆیی بكات ؛ بەتایبەتی كە هەڵوێستی ستەمكارانە بەرامبەر خەڵكی خۆڕاگری كوردستان درێژەی هەیە ، ئەوەش جۆرێكە لە كۆمەڵكوژی و سیاسەتی برسیكردن خەڵكی كوردستان و سزادانی بەكۆمەڵ.
بۆیە ، گەلی كوردستانیش مافی خۆیەتی داوای ماف داگیركراوەكانی هەر كەركووك و ناوچەكە داگیركراوەكانی تر بكات و مافی دەستوور و جیهانییە تا ئەو مافەرەوایە بەدەست بێنێت ، بەتایبەتی تا ئێستاش گەلی كورد خوازیارە و هەمیشە ویستووێتی بە گفتوگۆ كێشەكانی لەگەڵ عێراق چارەسەر بكات ؛ بۆیە، كاتێك عێراق بە زێهنیەتێكی داخراو و فاشیزمی دژایەتی گەلی كورد دەكات ، زۆر ئەستەمە هیچ چارەسەرییەك تر هەبێت ؛ چونكە ویستی عێراق لاوازكردن و نەهێشتنی قەوارەی هەرێمی كوردستان و دەستوەردانە لەكاروباری ناوخۆی و تێكدانی تەبایی نێوماڵی كورد ، ئەمەش بە پاڵپشتی وڵاتانی ناوچەكە ، هەر لە بڕینی بودجە و مووچە تا جێبەجێ نەكردنی ماددەی 140ی تایبەت بە گەڕانەوەی كەركووكی كوردستان و ناوچەكە داگیركراوەكانی دیكەی كوردستان ؛ بەدڵنییاییەوە سەرۆك بارزانی ، بە سەركەوتنی ڕیفراندۆمی سەربەخۆیی پەیامێكی ڕاست و رەوای گەینادە هەموو جیهان و دۆستان و نەیارانی كوردستان ، بەوەی گەلی كوردستان خاوەن ئیرادەیەكی نەگۆڕ وبەهێزە بۆ بەدەستهێنانی مافی سەربەخۆیی و هەرگیز دەستبەردار و سازشیش لە سەر مافەرەواكانی نكات و بەردەوامە لە تێكۆشان و بەرخودان تا بەدەستهێنانی .
