محەمەد ئامۆكەیی – زاری كرمانجی:
لە درێژەی پڕۆژە خزمەتگوزارییەكانی كابینەی نۆیەمی حكوومەتی هەرێمی كوردستان، لە دەڤەری باڵەكایەتی ژمارەیەك پڕۆژە كەوتوونەتە واری جێبەجێكردن، قایمقامی شارەكەش جەخت دەكاتەوە كە خزمەتی زیاتری پێشكەش دەكەن.
سوارە ئەكڕەم، قایمقامی قەزای چۆمان بە زاری كرمانجی راگەیاند”
لەدرێژەی بەسەركردنەوە و بەدواداچوونمان بۆ پڕۆژەكانی سنووری چۆمان، پڕۆژەی رێگای نوێی دێڵزەمان بەسەركردەووە كە پڕۆژەیەكی گرنگە بۆ زیاتر گرێدان و بەیەك بەستنەوەی گەڕەكەكانی سەنتەری قەزای چۆمان بەیەكتر، بەتەواوبوونی كارئاسانی زیاتر بۆ هاونیشتیمانیان دروست دەبێت”.
قایمقامی چۆمان جەختیش دەكاتەوە” كاری زیاتر دەكەن تاكو رێگایەكە بە شێوازێكی ئەندازیاری بكەوێتە خزمەتی هاووڵاتییان، وەك خۆی دەڵێ” هەموو هەوڵێك دەدەین بۆ ئەوەی خزمەتی زیاتری دانیشتوانی باڵەكایەتی بكەن لە گەیاندنی خزمەتگوزاری جۆراوجۆر.
