زاری كرمانجی-سۆران
سەرلە بەیانی ئەمڕۆ یەكشەممە لە قوتابخانەی (دواناوەندی مەجیداوەی تێكەڵاو) لە شارەدێی مەجیداوە زەنگی كردنەوەی ساڵی نوێی خوێندنی (٢٠٢٥-٢٠٢٦) لە سنوری ئیدارەی سەربەخۆی سۆران لێدرا و خوێندی ئەمساڵ دەستی پێكرد.
م. ئەحمەد حەمەدەین، بەڕێوەبەری ڕاگەیاندنی بەڕێوەبەرایەتی گشتی پەروەردەی سۆران، بە زاری كرمانجی گووت: ” سەرلەبەیانی ئەمڕۆ یەكشەممە ڕێكەوتی٢١/٩/٢٠٢٥بە ئامادەبوونی هەڵگورد شێخ نەجیب سەرپەرشتیاری ئیدارەی سەربەخۆی سۆران و حەكیم تێلی جێگری ئیدارەو اكارا الیشا كیۆ، بەڕێوەبەری گشتی پەروەردەی سۆران و سیروان مشیر رسول، یاریدەدەری بەڕێوەبەری گشتی پەروەردەی سۆران و حەسەن محەمەد ساڵح فەقێ، بەڕێوەبەری پەروەردەی ناوەندی سۆران و سەرپەرشتیاران و بەرپرسانی حكومی حزبی و دەستەی كارگێڕی قوتابخانە و مامۆستایان و قوتابییانی هێژا لەقوتابخانەی (دواناوەندی مەجیداوەی تێكەڵاو)لە شارەدێی مەجیداوە زەنگی كردنەوەی ساڵی نوێی خوێندنی (٢٠٢٥-٢٠٢٦) لەسنوری ئیدارەی سەربەخۆی سۆران لێدرا.
دوای خوێندنەوەی وتار لەلایەن هەریەك لە سەرپەرشتیاری ئیدارەی سەربەخۆی سۆران و بەڕێوەبەری گشتی پەروەردەی سۆران و پیرۆزبایی ساڵی نوێی خوێندن، دواتر یەك بەیەكی پۆلەكانیان بەسەركردەوە و پیرۆزبایی ساڵی نوێی خوێندنیان لەقوتابییان و مامۆستایان كرد هەروەها لە نزیكەوە گوێیان لە داواكاری دەستەی كارگێڕی قوتابخانە و قوتابیان گرت و هیوای سەركەوتن و ساڵێكی پڕ لە زانست و زانیاریی وپڕ لە دەستكەوتیان بۆ گشت لایەك خواست .
