مەهدی محەممەد – زاری كرمانجی :
دوای هەفتەیەك لە خۆپیشاندانە گەورەكەی نیپاڵ، ئافرەتێكی بە تەمەن وەك سەرۆكوەزیرانی نوێی وڵاتەكە سوێندی یاسایی خوارد.
سوشیلا كاركیی تەمەن 73 ساڵ، یەكەم سەرۆكوەزیرانی ژنە لە مێژووی نیپاڵ و بژاردەیەكی پێشبینیكراوی خۆپیشاندەرە گەنجەكان بوو بۆ بەڕێوەبردنی وڵات.
سوشیلا لە ٧ـی حوزەیرانی ١٩٥٢ لە شاری بیراتناگار لەدایك بووە و لە دوای ناڕەزایەتییەكانی نیپاڵ وەك سەرۆكوەزیرانی كاتی نیپاڵ كاردەكات. یەكەم ژنە كە سەرۆكایەتی حكومەتی نیپاڵ دەكات. پێشتر وەك سەرۆكی دادوەری دادگای باڵای نیپاڵ كاری كردووە و تاكە ژنە كە ئەو پۆستەی وەرگرتووە. لە ١١ـی تەممووزی ٢٠١٦ تا ٦ـی حوزەیرانی ٢٠١٧ وەك سەرۆكی دادوەری كاری كردووە.
دوابەدوای ناڕەزایەتییەكانی گەنجانی نیپاڵ، كە حكومەتی كەی پی شارما ئۆلی ڕووخاند، خۆپیشاندەران دەنگیان دا بە پشتیوانی كاركی وەك سەرۆكوەزیرانی كاتی بۆ پاراستنی بەردەوامی دوای ناڕەزایەتییەكان و ئامادەكاری بۆ پێكهێنانی حكومەتی داهاتوو لە نیپاڵ.
كاركی لە ٧ـی حوزەیرانی ١٩٥٢ لە خێزانێك لە شاری شەنكارپور لە نیپاڵ لەدایكبووە و یەكەم منداڵی حەوت منداڵ بووە.
كاركی لە زانكۆی تریبوڤان خوێندوویەتی، لە ساڵی ١٩٧٢ بڕوانامەی بەكالۆریۆسی لە كۆلێژی ماهێندرا مۆرانگ بەدەستهێناوە، دواتر لە هیندستان زانستە سیاسییەكانی خوێندووە، لە ساڵی ١٩٧٥، بڕوانامەی ماستەر لە زانستە سیاسییەكان لە زانكۆی هیندۆسی بناراس بەدەستهێناوە. گەڕایەوە زانكۆی تریبهوڤان بۆ خوێندنی یاسا، لە ساڵی ١٩٧٨ دەرچووە.
