- ئەژین غەفار-زاری كرمانجی:
شەوی ڕابردوو ۹-۹-۲۰۲ لیستێك بڵاوبووەتەوە كە گوایە ناوی ئەو كەسانەیە وەك كارمەندی سەر سەندوقەكانی ڕۆژی دەنگدانی ئەنجوومەنی نوێنەرانی عێراق بەشداری دەكەن، لە بەدواداچوونێكی زاری كرمانجی، بەرپرسی بنكەی كۆمیسیۆنی هەڵبژاردنی (دیانا-سۆران) ڕەتی دەكاتەوە كە تا ئێستا ناوی هیچ كەسێك گەڕابێتەوە لایان.
ڕەهێل سادق، بەرپرسی بنكەی كۆمیسیۆنی (دیانا-سۆران) بە زاری كرمانجی ڕاگەیاند: ئەو دەنگۆیەی بڵاوبووەتەوە بەناوی گەڕانەوەی لیستی كارمەندانی كۆمیسیۆن ئێمە لێی ئاگادارنین، چونكە تائێستا هیچ ناوێكی لەم شێوەیە نەگەڕاوەتەوە لای ئێمە.
گووتیشی: لەكاتی گەڕانەوەی ناوی كارمەندانی كۆمیسیۆن بەشێوەی فەرمی، لیستی ناوەكان بڵاودەكرێتەوە لە تۆڕە كۆمەڵاتییەكان. هاوكات، خۆشمان پەیوەندییان پێوە دەكەین بۆ ئاگاداركردنەوەیان.
بەرپرسی بنكەی كۆمیسیۆنی (دیانا-سۆران) ئاماژەی بەوەشدا: لەدوای گەڕانەوەی ناوی كارمەندانی كۆمیسیۆن، بۆ ماوەی چوار پێنج ڕۆژ ڕاهێنان بە كارمەندان دەكرێت بە مەبەستی ئامادەكردنیان بۆ ڕۆژانی دەنگدان
تا ئێستا ناوی هیچ كارمەندێك بۆ سەر سەندوقەكانی دەنگدان نەگەڕاوەتەوە
- Trending
- Comments
- Latest
دەربارەى ئێمە
دەزگای زاری كرمانجی، دەزگایەكی سەربەخۆی رۆشنبیریی و راگەیاندنە، لە 19/6/2005 لە شاری سۆران دامەزراوە. ئەم دەزگایە لە چەند بەشێكی جیاجیا پێكهاتووە و لەسەر بنەمای بێلایەنی و پیشەیی بوون مامەڵە لەگەڵ رووداوەكان دا دەكات. بەشەكانی دەزگای زاری كرمانجی پێكهاتوون لە رۆژنامەیەكی سیاسی- كۆمەڵایەتی هەفتانە بەناوی (زاری كرمانجی)، كە هەموو رۆژانی سێشەمە دەردەچێت.