زاری كرمانجی- سۆران:
بەپێی زانیارییەكانی زاری كرمانجی، بەڕێوەبەرێكی نوێ بۆ بەڕێوەبەرایەتی گشتی گەشت و گوزاری سۆران دیاری كراوە.
بەڕێوەبەری گشتی بەڕێوەبەرایەتی گشت و گوزاری سۆران بە زاری كرمانجی گووت ” هەر چەندە هیچ نووسراوێكی فەرمی بۆ ئێمە نەهاتووە، بەڵام منیش گوێ بیستی ئەوە بوومە كە كەسێك بۆ شوێنی من دیاری كراوە”.
بارزان محەمەد زیاتر گووتی” من دەرچووی گەشت و گوزارم و جێ پەنجەم دیارە لە دەڤەری سۆران، بەڵام ئیتر بڕیاری حكومەت هەرچی بێت ئێمە جێبەجێی دەكەین”.
لە لای خۆشیەوە فەیسەل سادق، كە بەربژێری ئەو پۆستەیە ئەم هەواڵەی پشتڕاست كردەوە و گووتی ” بەڵێ بۆ ئەو پۆستە بەربژێرم و كارەكانی ئیداری تەواو بوونە، تەنها ماوە دەستبەكار ببم”.
