شەهلا سۆفی- زاری كرمانجی :
كۆمپانیای گووگڵ نوێترین و بەهێزترین مۆدێلی دروستكردنی ڤیدیۆی AI ی خۆی بەناوی Veo 3 هێنایە ئەپی Google Photos. ئەم تایبەتمەندییە كە لە ئێستادا بۆ بەكارهێنەران لە ئەمریكا بەردەستە، بەكارهێنەران دەتوانن بە ئاسانی وێنە وەستاوەكانیان بكەنە ڤیدیۆ كلیپی كورت و چوار چركەیی تەنها بە چەند كلیكێك.
بە پێی زانیاریەكانی گووگڵ، تایبەتمەندییە نوێیەكە دەكەوێتە تابی “دروستكردن”ی وێنەكانی گووگڵ، دوو شێوازی جیاواز پێشكەش دەكات: “جوڵەی ورد” بۆ زیادكردنی ئەنیمەیشنی ورد و “هەست بە بەختەوەری دەكەم” بۆ دەرئەنجامی داهێنەرانەتر. گووگڵ دەڵێت مۆدێلی Veo 3 كە لە مانگی تەمموزدا خراوەتە بازاڕەوە، ئەنجامێكی زۆر واقیعیتر لە نەوەی پێشووی بەرهەم دەهێنێت، هەروەها تایبەتمەندییەكە كوالیتی ئەو ڤیدیۆیانەی كە لە وێنەوە دروست دەكرێن بە شێوەیەكی بەرچاو باشتر دەكات.
یەكخستنی Veo 3 تەنها سنووردار نییە بە دروستكردنی ڤیدیۆ لە وێنەكانەوە، بەڵكو كۆمەڵێك ئامرازی داهێنەرانەی دیكەش دەهێنێتە تابی دروستكردن. ئامرازە نوێیەكەی رێمیكس ڕێگە بە بەكارهێنەران دەدات وێنەكانیان بگۆڕن بۆ شێوازی هونەری جیاواز، وەك ئەنیمێ، یان ئەنیمەیشنی سێ ڕەهەندی. هەروەها ئامرازی “Collage” باشتر كراوە، هەڵبژاردنی چەندین وێنە و ڕێكخستنی ئاسانترە، تەنانەت دەستكاریكەرێكی سادەی وێنەی لەخۆدەگرێت.
جگە لەوەش، تایبەتمەندی “Highlight” دەتوانێت بە شێوەیەكی ئۆتۆماتیكی مۆنتاژی وێنەی سەرنجڕاكێش دروست بكات بە مۆسیقا بە پشتبەستن بەو وشانەی كە بەكارهێنەر بەدوایدا دەگەڕێت، هەروەها تایبەتمەندی “وێنەی سینەمایی” قووڵی و جوڵەیان پێدەبەخشێت بە دروستكردنی ڕێندەرێكی سێ ڕەهەندی وێنە هەبووەكان.
بێگومان بۆ بەكارهێنەرانی بێبەرامبەر بە شێوەی سنوورداردەتوانن بەكاری بێنن، لە كاتێكدا بەشداربووانی خزمەتگوزارییەكانی به پارەی وەك گووگڵ ئەی ئای پرۆ و ئەلترا سنووری بەكارهێنانی زیاتریان دەبێت. هەروەها ڕوون نییە كەی گووگڵ ئەو تایبەتمەندییە نوێیە بۆ وڵاتانی دیكە بڵاودەكاتەوە.
