ئا: زاری كرمانجی
زۆرجار هەوکردنی گەدە بە ئازارێکی توند و ئاوسانی سکەوە دەردەکەوێت و بەهۆی فشاری زۆر، خراپ خواردنی خۆراک، زیادەڕۆیی لە خواردن، یان مێژووی کێشەی هەرسکردن توندتر دەبێت.لە زۆربەی حاڵەتەکاندا، ڕێکارەکانی وەک گۆڕینی خووی خواردن و باشترکردنی شێوازی ژیان، لەگەڵ هەندێک چارەسەری سادەی ماڵەوە، دەتوانێت پێویستی بە دەرمان کەم بکاتەوە و یارمەتیدەر بێت بۆ چارەسەرکردنی ئەم حاڵەتە. بەڵام ئەگەر نیشانەکان بەردەوام بوون و باشتر نەبوون، پێویستە سەردانی پزیشکی پسپۆڕ بکرێت.ئەم بابەتە باس لە سێ گیای بەسوود و دژە هەوکردن دەکات بۆ کەمکردنەوەی هەوکردنی گەدە و ڕیخۆڵە:
ڕهزیانه: لە هەندێک کلتووردا مرۆڤەکان خووی ئەوەیان هەیە کە نزیکەی دوای هەموو ژەمێک تۆی ڕهزیانه بجوون. تۆوی ڕهزیانه یارمەتی شکاندنی خۆراک دەدات لە گەدەدا و هەرسکردن خێراتر دەکات، هەر بۆیەش بە خێرایی کۆنتڕۆڵی ئاوسانی گەدە دەکات. هەروەها چای ڕەزیانه بە خواردنەوەیەکی زۆر باش دادەنرێت بۆ سوڕی مانگانە. پێکهاتە دژە ئۆکسێنەرەکانی ناو ڕەزیانه دەتوانێت هەوکردن لە گەدە و کۆئەندامی هەرس کەم بکاتەوە. هەوکردن دەتوانێت بەهۆی چەندین حاڵەتەوە بێت، وەک برینی گەدە یان نەخۆشی هەوکردنی ڕیخۆڵە. ههروهها خواردنی وەک چارەسەرێکی سروشتی دەبێتە هۆی نەهێشتنی ئەم هەوکردنە و باشترکردنی تەندروستی گەدە.
مێخەک: خواردنەوەی ٢٠ دڵۆپ دەرهاویشتەی مێخەک لەگەڵ نیو پەرداخ ئاو هەموو بەیانیەک لەسەر گەدەی بەتاڵ ڕێگەیەکی کاریگەرە بۆ بەرەنگاربوونەوەی ئاوسانی گەدە و نەهێشتنی هەوکردنی گەدە. مێخەک دەتوانێت دەردانی شەربەتی هەرس هان بدات، ئەمەش یارمەتی گواستنەوەی خۆراک دەدات لە ڕێگەی کۆئەندامی هەرس و تێکدانی ئەو خۆراکانەی کە هێواش هەرس دەکەن وەک پرۆتین و چەوری و نیشاستە.
دارچین: دارچین بە بەهاراتێک ناسراوە بۆ دابەزاندنی بەرزی شەکری خوێن، بەڵام ئەم بەهاراتە بە شێوەیەکی ناباوەر کاریگەرە بۆ خێراکردنی هەرسکردن و تێکدانی خۆراک و نەهێشتنی ئاوسانی سک. دارچین یارمەتی هەرسکردنی هەموو شتێک دەدات کە دەیخۆیت، بۆیە زیادکردنی بۆ ژەمەکانت ڕێگەیەکی دڵنیایە بۆ ڕێگریکردن لە ئاوسانی سک لە پلەی یەکەمدا. بەڵام تامی دارچینی لەگەڵ هەموو خواردنێکدا بە باشی ناگونجێت، بەڵکو لەبری ئەوە، دەتوانیت دوای نانخواردن یان لە هەر کاتێکی ڕۆژدا لەگەڵ چا یان هەر خواردنەوەیەکی تری گەرم چێژی لێ وەربگریت.
