سوپای ئیسرائیل بە بڵاوکردنەوەی گرتەیەکی ڤیدیۆیی لە کەناڵی ئێکس، هۆشداری چۆڵکردنی بۆ هەر سێ بەندەری حودەیدە، ڕاس عیسا و سەلیف و هەروەها وێستگەی کارەبای حودەیدە – ڕاس ئەلخەتیب لە یەمەن دەرکرد.
سوپای ئیسرائیل زیاتر نووسیویەتی: بەم زووانە هێرشی ئاسمانی لەو ناوچانە ئەنجام دەدرێت بەهۆی چالاکییە سەربازییەکانی حوسییەکان لە شوێنە ڕاگەیەندراوەکان.
لە پەیامی هۆشداریی سوپای ئیسرائیلدا هاتووە، بوونی هاووڵاتییانی سڤیل لەو ناوچانە یان لەنزیک کەشتییەکانیان کە لە دەوروبەریان وەستاون، گیانیان دەخاتە مەترسییەکی گەورەوە.
